പാലാ സെന്റ് തോമസ് കോളേജില്‍ ലഹരിക്കെതിരെ ഉയര്‍പ്പ് കലാജാഥ നടത്തി. യുവജനക്ഷേമ ബോര്‍ഡിന്റെ നേതൃത്വത്തില്‍ ജില്ലയിലെ 9 മണ്ഡലങ്ങളിലായി നടത്തുന്ന ലഹരിവിരുദ്ധ ക്യാമ്പയിന്റെ രണ്ടാം ദിവസമായ ബുധനാഴ്ച രാവിലെ പാലാ നിയോജകമണ്ഡലത്തിലെ കാമ്പയിനാണ് സെന്റ് തോമസ് കോളേജില്‍ നടന്നത്. ഉയര്‍പ്പ് കലാജാഥയുടെയും ലഹരി വിരുദ്ധ ബോധവല്‍ക്കരണത്തിന്റെയും ഉദ്ഘാടനം പാലാ നഗരസഭ ചെയര്‍മാന്‍ ഷാജു വി തുരുത്തന്‍ നിര്‍വഹിച്ചു. യോഗത്തില്‍ കോളേജ് പ്രിന്‍സിപ്പല്‍ ഫാദര്‍ ജെയിംസ് ജോണ്‍ മംഗലത്ത് അധ്യക്ഷനായിരുന്നു. പാലാ സെന്റ് തോമസ് കോളേജിലെ പൂര്‍വവിദ്യാര്‍ത്ഥിയായ പാലാ നഗരസഭ ചെയര്‍മാന്‍ ഷാജു വി തുരുത്തനെ കോളേജ് പ്രിന്‍സിപ്പല്‍ ഫാദര്‍ ജെയിംസ് മംഗലത്ത് അനുമോദിച്ചു. കേരള സംസ്ഥാന യുവജനക്ഷേമ ബോര്‍ഡ് കോട്ടയം ജില്ലാ ഓഫീസര്‍ മാര്‍ഷല്‍ മാത്യു, ശ്രീലേഖ, നഗരസഭ വികസനകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ സാവിയോ കാവുകാട്ട്, വാര്‍ഡ് കൗണ്‍സിലര്‍ ജിമ്മി ജോസഫ് തുടങ്ങിയവര്‍ പങ്കെടുത്തു.
.webp)
.webp)
0 Comments