ആക്രി സാധനങ്ങള്‍ മോഷ്ടിച്ച കേസില്‍ യുവാവിനെ പോലീസ് അറസ്റ്റ് ചെയ്തു. വള്ളിച്ചിറ പാറമട ഭാഗത്ത് കിഴക്കേച്ചേണാല്‍ വീട്ടില്‍ സാജു ജോസഫ് (46) എന്നയാളെയാണ് പാലാ പോലീസ് അറസ്റ്റ് ചെയ്തത്. ഇയാള്‍ കുടക്കച്ചിറ സ്വദേശിയുടെ വീടിന്റെ മുറ്റത്തും പറമ്പിലുമായി സൂക്ഷിച്ചിരുന്ന ഇരുമ്പ് കമ്പികള്‍, പിവിസി പൈപ്പ് മുതലായ സാധനങ്ങള്‍ മോഷ്ടിച്ചുകൊണ്ട് കടന്നു കളയുകയായിരുന്നു. പരാതിയെ തുടര്‍ന്ന് പാലാ പോലീസ് കേസ് രജിസ്റ്റര്‍ ചെയ്യുകയും, ശാസ്ത്രീയമായ പരിശോധനയില്‍ മോഷ്ടാവിനെ കണ്ടെത്തി പിടികൂടുകയുമായിരുന്നു. പാലാ സ്റ്റേഷന്‍ എസ്.എച്ച്.ഓ ജോബിന്‍ ആന്റണി, എസ്.ഐ ബിനു വി.എല്‍, സി.പി.ഓ മാരായ അരുണ്‍കുമാര്‍, രഞ്ജിത്ത് എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. ഇയാള്‍ 2022ല്‍ അയല്‍വാസിയുടെ ആടിനെ മോഷ്ടിച്ച കേസിലും പ്രതിയാണ്. ഇയാളെ കോടതിയില്‍ ഹാജരാക്കി.
.webp)
.webp)
.webp)
.jpeg)
0 Comments