മദ്യപാനത്തെ തുടര്‍ന്നുണ്ടായ വാക്ക് തര്‍ക്കത്തില്‍ സുഹൃത്തിനെ ആക്രമിച്ച കേസില്‍ രണ്ടുപേരെ പോലീസ് അറസ്റ്റ് ചെയ്തു. അമയന്നൂര്‍ ചൂരനാനിക്കല്‍ സൂരജ്. എസ്, മണര്‍കാട് തലപ്പാടി ഭാഗത്ത് നിജോ തോമസ് (42) എന്നിവരെയാണ് അയര്‍ക്കുന്നം പോലീസ് അറസ്റ്റ് ചെയ്തത്. ഒറവയ്ക്കല്‍ കള്ളുഷാപ്പിന് സമീപത്ത് എത്തുകയും ഇവിടെയിരുന്ന് മദ്യപിക്കുന്നതിനിടയില്‍ ഇവര്‍ തമ്മില്‍ പരസ്പരം വാക്കുതര്‍ക്കത്തിലേര്‍പ്പെടുകയും ഇവര്‍ ഇരുവരും ചേര്‍ന്ന് യുവാവിനെ ചീത്ത വിളിക്കുകയും, ആക്രമിക്കുകയും ചില്ലുകുപ്പി ഉപയോഗിച്ച് മുഖത്തടിക്കുകയുമായിരുന്നു. ആക്രമണത്തില്‍ യുവാവിന്റെ മൂക്കിന്റെ അസ്ഥിക്ക് പൊട്ടല്‍ സംഭവിക്കുകയും ചെയ്തു. പരാതിയെ തുടര്‍ന്ന് അയര്‍ക്കുന്നം പോലീസ് കേസ് രജിസ്റ്റര്‍ ചെയ്യുകയും ഇരുവരെയും അറസ്റ്റ് ചെയ്യുകയുമായിരുന്നു.അയര്‍ക്കുന്നം സ്റ്റേഷന്‍ എസ്.എച്ച്.ഓ സന്തോഷ് കെ.എം, എസ്.ഐ സജു ടി ലൂക്കോസ്, എ.എസ്.ഐ മാരായ പ്രദീപ്, ജ്യോതി ചന്ദ്രന്‍, സി.പി.ഓ ജിജോ ജോണ്‍ എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. ഇവരെ കോടതിയില്‍ ഹാജരാക്കി.
.webp)
.webp)
.webp)
.jpeg)
0 Comments