ഏറ്റുമാനൂര്‍ ബൈപ്പാസ് റോഡില്‍ നിയന്ത്രണം വിട്ട കാര്‍, ആക്ടീവ സ്‌കൂട്ടറില്‍ ഇടിച്ചുകയറി ഉണ്ടായ അപകടത്തില്‍ അംഗപരിമിതനായ സ്‌കൂട്ടര്‍ യാത്രികന് ഗുരുതര പരിക്ക്. ഏറ്റുമാനൂര്‍- മണര്‍കാട് ബൈപ്പാസില്‍ ഏറ്റുമാനൂര്‍ മഹാദേവ ക്ഷേത്രത്തിന് സമീപം വടക്കേനട ഭാഗത്ത് രാവിലെ 10 മണിയോടെയായിരുന്നു അപകടം. വടക്കേനട റോഡില്‍ നിന്നും ബൈപാസ് റോഡ് കുറുകെ കടക്കുവാന്‍ സ്‌കൂട്ടര്‍ യാത്രികന് ശ്രമിക്കുന്നതിനിടയില്‍ ആയിരുന്നു അപകടം. ഏറ്റുമാനൂര്‍ ക്ലാമറ്റം സ്വദേശി ശിവപ്രസാദിനാണ് അപകടത്തില്‍ ഗുരുതര പരിക്കേറ്റത്. അപകടത്തില്‍ സാരമായി പരിക്കേറ്റ് റോഡില്‍ കിടന്ന ശിവപ്രസാദിനെ അപകടം കണ്ട് ഓടിക്കൂടിയ നാട്ടുകാരാണ് കോട്ടയം മെഡിക്കല്‍ കോളേജില്‍ എത്തിച്ചത്. തമിഴ്‌നാട്ടിലേക്ക് ക്ഷേത്രദര്‍ശനത്തിന് പോയ കുടുംബം സഞ്ചരിച്ച കാറാണ് അപകടത്തില്‍ പെട്ടത്. കാറിന്റെ അമിതവേഗമാണ് അപകടത്തിന് കാരണമാക്കിയതെന്നാണ് ആക്ഷേപം. പരിക്കേറ്റ ശിവപ്രസാദ് ക്ഷേത്ര പരിസരത്ത് ലോട്ടറി ടിക്കറ്റ് വില്‍പ്പനക്കാരനാണ്. അപകടത്തില്‍ സ്‌കൂട്ടര്‍ പൂര്‍ണമായും തകര്‍ന്നു. ബൈപ്പാസ് റോഡില്‍ ക്ഷേത്രത്തിന്റെ തെക്കേനട വടക്കേ നട ഭാഗങ്ങളില്‍ സ്ഥിരം അപകടങ്ങള്‍ ഉണ്ടാകുന്നത് ജനങ്ങളില്‍ ആശങ്ക പരത്തിയിട്ടുണ്ടെന്ന് വാര്‍ഡ് കൗണ്‍സിലര്‍ സുരേഷ് വടക്കേടം പറഞ്ഞു. വാഹന ഡ്രൈവര്‍മാര്‍ക്ക് അപകട സാധ്യത മുന്നറിയിപ്പ് നല്‍കുന്ന ബോര്‍ഡുകളും ട്രാഫിക് അടയാളങ്ങളും ബ്ലിങ്ക് ലൈറ്റുകളും സ്ഥാപിക്കണമെന്നും കൗണ്‍സിലര്‍ പറഞ്ഞു.
.webp)
.webp)
.webp)
.jpeg)
0 Comments