ഗൗരീകൃഷ്ണയ്ക്ക് വിടചൊല്ലി സഹപാഠികള്‍

പാലാ കടപ്പാട്ടൂരിലെ  ടര്‍ഫ് ഗ്രൗണ്ടില്‍ പ്രാക്ടീസ് നടത്തുന്നതിനിടെ കുഴഞ്ഞു വീണ് പെണ്‍കുട്ടി മരണമടഞ്ഞു. കടപ്പാട്ടൂര്‍ തൊമ്മനാമറ്റത്തില്‍ റജിയുടെ മകള്‍ ഗൗരി കൃഷ്ണ എന്ന 17 കാരിയാണ് മരണമടഞ്ഞത്. രാവിലെ 8 മണിയോടെ വ്യായാമ പരിശീലനങ്ങള്‍ക്കിടയിലാണ് കുട്ടിതളര്‍ന്നു വീണത്. കുട്ടിയെ തിരികെ കൊണ്ടുപോവാനെത്തിയ ഓട്ടോ ഡ്രൈവറായ പിതാവ് അപ്പോള്‍ തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കാര്‍മല്‍ സ്‌കൂളിലെ +1 വിദ്യാര്‍ത്ഥിനിയായിരുന്നു ഗൗരി കൃഷ്ണ. ഗൗരീ കൃഷ്ണയുടെ മുതദേഹം കാര്‍മല്‍ സ്‌കൂളില്‍ പൊതുദര്‍ശനത്തിനെത്തിച്ചപ്പോള്‍ നിറഞ്ഞ കണ്ണുകളോടെ സഹപാഠികള്‍ പ്രിയപ്പെട്ട കൂട്ടുകാരിക്ക് യാത്രാമൊഴിയേകി. പ്രിന്‍സിപ്പല്‍ സിസ്റ്റര്‍ ദീപ്തിമരിയ,  നഗരസഭാംഗം VC പ്രിന്‍സ് എന്നിവരടക്കം നിരവധിയാളുകള്‍ അന്ത്യാഞ്ജലിയര്‍പ്പിച്ചു.