ഹോംനേഴ്‌സായി ജോലി ചെയ്യുന്ന വീട്ടില്‍ നിന്നും സ്വര്‍ണ്ണ വളകള്‍ മോഷ്ടിച്ച കേസില്‍ യുവതിയെ പോലീസ് അറസ്റ്റ് ചെയ്തു. എരുമേലി വയലപരമ്പില്‍ വീട്ടില്‍ അശ്വതി (36) എന്നയാളെയാണ് മരങ്ങാട്ടുപള്ളി പോലീസ് അറസ്റ്റ് ചെയ്തത്. ഇവര്‍ ഹോംനേഴ്‌സായി ജോലി ചെയ്തു വന്നിരുന്ന കടപ്ലാമറ്റം ഭാഗത്തുള്ള വീട്ടിലെ വൃദ്ധയുടെ കയ്യില്‍ കിടന്ന രണ്ടു വളകള്‍ മോഷ്ടിച്ചെടുക്കുകയായിരുന്നു.മോഷണത്തിന് ശേഷം ബന്ധു മരണപ്പെട്ടതായി അറിയിച്ച് ഇവര്‍ ഇവിടെ നിന്നും കടന്നുകളയുകയായിരുന്നു. പരാതിയെ തുടര്‍ന്ന് മരങ്ങാട്ടുപള്ളി പോലീസ് കേസ് രജിസ്റ്റര്‍ ചെയ്യുകയും ഇവരെ അറസ്റ്റ് ചെയ്യുകയുമായിരുന്നു. മോഷണത്തിനു ശേഷം ഇവര്‍ സ്വര്‍ണം എരുമേലിയിലുള്ള കടയില്‍ വില്‍പ്പന നടത്തുകയും, ഇവിടെ നിന്നും സ്വര്‍ണം പോലീസ് കണ്ടെടുക്കുകയും ചെയ്തു. മരങ്ങാട്ടുപള്ളി സ്റ്റേഷന്‍ എസ്.എച്ച്.ഓ പ്രസാദ് എം ആര്‍, എസ് ഐ മാരായ റാസിക്ക് പി.എം, ഷൈജു രാഘവന്‍ സിപിഓമാരായ രാജേഷ് പി.കെ, പ്രിയാ ശങ്കര്‍, പ്രശാന്ത് കുമാര്‍ എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇവരെറിമാന്‍ഡ് ചെയ്തു.
.webp)
.webp)
.webp)
.jpeg)
0 Comments