കാവുംകണ്ടം സെന്റ് മരിയ ഗൊരേത്തി ഇടവകയിലെ വിവിധ ഭക്ത സംഘടനകളുടെ നേതൃത്വത്തില്‍ മലയാറ്റൂര്‍ കുരിശുമല തീര്‍ത്ഥാടനം നടത്തി. നോമ്പുകാലത്തോടനുബന്ധിച്ച് യേശുവിന്റെ പീഢാസഹന മരണത്തെ അനുസ്മരിച്ചുകൊണ്ട് കുരിശിന്റെ വഴിയുടെ പതിനാലു സ്ഥലങ്ങളില്‍ പ്രാര്‍ത്ഥന നടത്തി. മലയടിവാരത്തു നിന്നും ആരംഭിച്ച കുരിശിന്റെ വഴി പ്രാര്‍ത്ഥനയ്ക്ക് വികാരി ഫാ.സ്‌കറിയ വേകത്താനം നേതൃത്വം നല്‍കി. വിശുദ്ധ തോമാശ്ലീഹായുടെ പാദങ്ങള്‍ പതിഞ്ഞ സ്ഥലവും ആനകുത്തി പള്ളിയും സന്ദര്‍ശിച്ചു. ബിജു കോഴിക്കോട്ട് ,സാബു വാദ്ധ്യാനത്തില്‍, തങ്കച്ചന്‍ താളനാനി ,ജോയ്‌സി കോഴിക്കോട്ട് ,ഷൈനി തെക്കലഞ്ഞിയില്‍ . ഡോണ ഇരുവേലിക്കുന്നേല്‍, ഡാര്‍ളി ആണ്ടുക്കുടിയില്‍ , മഞ്ജു കല്ലാനിക്കുന്നേല്‍ തുടങ്ങിയവര്‍ നേതൃത്വം നല്‍കി.
0 Comments