പാലാ വെള്ളാപ്പാട് വനദുര്‍ഗ്ഗാ ഭഗവതി ക്ഷേത്രത്തിലെ ജീവത എഴുന്നള്ളത്ത് ഭക്തിനിര്‍ഭരമായി.

പാലാ വെള്ളാപ്പാട് വനദുര്‍ഗ്ഗാ ഭഗവതി ക്ഷേത്രത്തിലെ മീനപ്പൂര മഹോത്സവത്തോടനുബന്ധിച്ച് വെള്ളിയാഴ്ച വൈകീട്ട് നടന്ന ജീവത എഴുന്നള്ളത്ത് ഭക്തിനിര്‍ഭരമായി. മാവേലിക്കര മുളയ്ക്കല്‍  മഠത്തില്‍ ജയപ്രകാശ് നമ്പൂതിരിയുടെ നേതൃത്വത്തിലാണ് ജീവിത എഴുന്നള്ളിപ്പ് നടന്നത്. ളാലം മഹാദേവ ക്ഷേത്രത്തില്‍ നിന്നും വാദ്യമേളങ്ങളുടെയും വിവിധ കലാരൂപങ്ങളുടെയും അകമ്പടിയോടെ  നീങ്ങിയ ജീവത  എഴുന്നള്ളിപ്പിന് ഭക്തിനിര്‍ഭരമായ എതിരേല്‍പ് നല്‍കി.