പാലാ വെള്ളാപ്പാട് ശ്രീ വനദുര്‍ഗ ഭഗവതി ക്ഷേത്രത്തില്‍ മീനപ്പൂര മഹോത്സവം

പാലാ വെള്ളാപ്പാട് ശ്രീ വനദുര്‍ഗ ഭഗവതി ക്ഷേത്രത്തില്‍ മീനപ്പൂര മഹോത്സവം മാര്‍ച്ച് 19 മുതല്‍ 23 വരെ നടക്കും.. മാര്‍ച്ച് 20ന് രാവിലെ 10 മണിക്ക് ഭദ്രകാളി ദേവിക്ക് കലശാഭിഷേകം, ഭദ്രകാളി പൂജ എന്നിവ നടക്കും. തിരുവരങ്ങില്‍ രാത്രി 7 മണിക്ക് ഗാനമേള, മാര്‍ച്ച് 21ന് രാവിലെ മൃത്യുഞ്ജയ ഹോമം തുടര്‍ന്ന് പതിവ് ഉത്സവ ചടങ്ങുകള്‍.വൈകുന്നേരം ദീപാരാധന, ദീപകാഴ്ച.   മാര്‍ച്ച് 22 വെള്ളിയാഴ്ച 11.30 നു പ്രസിദ്ധമായ മകം തൊഴല്‍ നടക്കും.വൈകിട്ട് 4 മണിക്ക് ളാലം ക്ഷേത്രത്തിലേക്ക് ജീവിത എഴുന്നള്ളത്ത് പുറപ്പാട്. 6 ന് ളാലം ക്ഷേത്രത്തില്‍ നിന്നും എഴുന്നള്ളിപ്പ് ആരംഭിക്കും. ളാലം ക്ഷേത്ര ഉപദേശക സമിതി,സേവാഭാരതി, തൊഴിലാളി സംഘടനകള്‍ എന്നിവര്‍ ചേര്‍ന്ന് പാലാ ടൗണ്‍ ബസ്റ്റാന്‍ഡ് ജംഗ്ഷനില്‍  എതിരേല്‍പ് , രാത്രി 9ന് വിളക്കന്‍പൊലി, ജീവിത എഴുന്നള്ളത്തിനും താലപ്പൊലിയില്‍ പങ്കെടുക്കുന്നതിനും ആയി എത്തിച്ചേരുന്ന എല്ലാ ഭക്തജനങ്ങള്‍ക്കും തിരിച്ച് ഭവനങ്ങളിലേക്ക് പോകുന്നതിനുള്ള യാത്ര സൗകര്യങ്ങള്‍ കമ്മിറ്റിയുടെ ഉത്തരവാദിത്വത്തില്‍ ഒരുക്കിയിട്ടുണ്ടെന്നും ഭാരവാഹികള്‍ അറിയിച്ചു. മാര്‍ച്ച് 23 രാവിലെ 7.30ന് 25 കലശപൂജ,  9 മണിക്ക് ഇരട്ട പൊങ്കാല, 10. 30 പൊങ്കാല നിവേദ്യ സമര്‍പ്പണം, 12ന് പൂരം തൊഴല്‍. ഒരുമണിക്ക് പൂരം പിറന്നാള്‍ മഹാപ്രസാദമൂട്ട്, വൈകിട്ട് 6.30ന് ശേഷം ദീപാരാധനയും ദീപക്കാഴ്ചയും.ഏഴുമണിക്ക് പൂമൂടല്‍, എട്ടുമണിക്ക് പൂരം ഇടി, എന്നിവയും നടക്കും.