ഐങ്കൊമ്പ് പാറേക്കാവ് ഭദ്രകാളി ക്ഷേത്രത്തില്‍ മീനഭരണി മഹോല്‍സവം

ഐങ്കൊമ്പ് പാറേക്കാവ് ഭദ്രകാളി ക്ഷേത്രത്തിലെ മീനഭരണി മഹോല്‍സവത്തിന് കൊടിയേറി. വെള്ളിയാഴ്ച വൈകിട്ട് 5.30ന് തന്ത്രിമുഖ്യന്‍ ബ്രഹ്‌മശ്രീ കുരുപ്പക്കാട്ട് നാരായണന്‍ നമ്പൂതിരി, ക്ഷേത്രം മേല്‍ശാന്തി കുഴുപ്പള്ളി ഇല്ലം വേണു നമ്പൂതിരി എന്നിവരുടെ കാര്‍മികത്വത്തില്‍ കൊടിയേറ്റ് ചടങ്ങ് നടന്നു. അഞ്ചാം ഉല്‍സവ ദിവസമായ ചൊവ്വാഴ്ച വൈകിട്ട് 7ന് ദേശതാലപ്പൊലി, കാഴ്ചശ്രീബലി എന്നിവ നടക്കും. ആറാട്ട് ദിനമായ ബുധനാഴ്ച രാവിലെ 730ന് മീനഭരണി പൊങ്കാല. 9ന് പൊങ്കാല സമര്‍പ്പണം. മേജര്‍സെറ്റ് പഞ്ചവാദ്യം, പാണ്ടിമേളം, തെയ്യം എന്നിവയും ആറാട്ട് ദിനത്തില്‍ അരങ്ങേറും.