ആനക്കലിയില്‍ ഒരു ജീവന്‍ കൂടി പൊലിഞ്ഞു.

ആനക്കലിയില്‍ ഒരു ജീവന്‍ കൂടി പൊലിഞ്ഞു. വൈക്കം ടി.വി പുരത്ത് ഉത്സവ എഴുന്നള്ളിപ്പിനിടെ  ഇടഞ്ഞ ആനയുടെ ചവിട്ടേറ്റ് രണ്ടാം പാപ്പാന് ദാരുണാന്ത്യം. ബുധനാഴ്ച രാത്രി 9 മണിയോടെയാണ് സംഭവം. ടി.വി പുരം ശ്രീരാമസ്വാമി ക്ഷേത്രത്തിലെ ഉത്സവത്തിന്റെ എഴുന്നള്ളിപ്പിനിടയിലാണ് ദാരുണ സംഭവം നടന്നത്. തൊട്ടയ്ക്കാട്ട് കുഞ്ഞുലക്ഷ്മി എന്ന ആനയാണ് എഴുന്നള്ളിപ്പിനിട ഇടഞ്ഞ് പിന്നില്‍ നിന്നിരുന്ന രണ്ടാം പാപ്പാനെ തള്ളിയിട്ട് ചവിട്ടിയത്. കോട്ടയം പാത്താമുട്ടം സ്വദേശി അരവിന്ദ് എന്ന സാമിച്ച നാണ് മരണമടഞ്ഞത്.  25 വയസ്സായിരുന്നു.  ഇയാളെ വൈക്കം താലൂക്ക് ആശുപത്രിയിലേക്ക് കൊണ്ടു പോകും വഴി മരണം സംഭവിക്കുകയായിരുന്നു.