കോട്ടയം ലോക്‌സഭാ മണ്ഡലം UDF സ്ഥാനാര്‍ത്ഥി ഫ്രാന്‍സിസ് ജോര്‍ജ് പുതുപ്പള്ളി സെന്റ് ജോര്‍ജ് പള്ളിയില്‍ ഉമ്മന്‍ ചാണ്ടിയുടെ കബറിടത്തിലെത്തി പ്രാര്‍ത്ഥനയും പുഷ്പര്‍ച്ചനയും നടത്തി. ഏപ്രില്‍ 4 ന് നോമിനേഷന്‍ സമര്‍പ്പിക്കുന്നതിനു മുന്നോടിയായാണ് ഫ്രാന്‍സിസ് ജോര്‍ജ് ഉമ്മന്‍ ചാണ്ടിയുടെ കബറിടത്തിലെത്തിയത്. നാടിന്റെ ക്ഷേമത്തിനായി സ്വയംസമര്‍പ്പിച്ച ഉമ്മന്‍ ചാണ്ടിയുടെ ജീവിതവിശുദ്ധി UDF ന് ഊര്‍ജം പകരുമെന്ന് ഫ്രാന്‍സിസ് ജോര്‍ജ് പറഞ്ഞു. സ്ഥാനാര്‍ത്ഥിയായി നോമിനേഷന്‍ സമര്‍പ്പിക്കുമ്പോള്‍ കെട്ടിവയ്ക്കാനുള്ള തുക കബറിടത്തില്‍ വച്ച് ഉമ്മന്‍ ചാണ്ടിയുടെ പത്‌നി മറിയാമ്മ ഉമ്മന്‍ ഫ്രാന്‍സിസ് ജോര്‍ജിന് കൈമാറി. മോന്‍സ് ജോസഫ് MLA ചാണ്ടി ഉമ്മന്‍ MLA, DCCപ്രസിഡന്റ് നാട്ടകം സുരേഷ്, ജോഷി ഫിലിപ്, അഡ്വ.ഫില്‍സണ്‍ മാത്യൂസ് തുടങ്ങിയവരും ഫ്രാന്‍സിസ് ജോര്‍ജിനൊപ്പം കബറിടത്തിലെത്തിയിരുന്നു.
.jpg)
0 Comments