സംഘാടകസമിതി രൂപീകരണം നടന്നു

ഹിന്ദു ഐക്യവേദി ഇരുപത്തിയൊന്നാം സംസ്ഥാന സമ്മേളനത്തിന്റെ സംഘാടകസമിതി രൂപീകരണം നടന്നു. വൈക്കം ചാലപ്പറമ്പ് ടി. കെ. മാധവന്‍ മെമ്മോറിയല്‍ യു പി സ്‌കൂളില്‍ നടന്ന യോഗം ഹിന്ദുഐക്യവേദി സംസ്ഥാന അധ്യക്ഷ കെ പി ശശികല ടീച്ചര്‍ ഉദ്ഘാടനം ചെയ്തു. ഹിന്ദു ഐക്യവേദി ജില്ലാ  ക്യാപ്റ്റന്‍ പി എന്‍ വിക്രമന്‍ നായര്‍ അധ്യക്ഷത വഹിച്ചു.  ഹിന്ദു ഐക്യവേദി  സംസ്ഥാന സംഘടന സെക്രട്ടറി  സി. ബാബു സംഘാടക സമിതിയെക്കുറിച്ച് വിശദീകരിച്ചു. എന്‍ ഗംഗാധരന്‍ ചെയര്‍മാനും ഡോക്ടര്‍ ജയപ്രദീപ് വര്‍ക്കിംഗ് ചെയര്‍മാനും  ആര്‍ സോമശേഖരന്‍ ജനറല്‍ കണ്‍വീനറും ആയിട്ടുള്ള 51 അംഗ സംഘാടകസമിതി രൂപീകരിച്ചു. ഹിന്ദു ഐക്യവേദി സംഘടനാ സെക്രട്ടറി സി.ബാബു , സഹ സംഘടന സെക്രട്ടറി വി.സുശികുമാര്‍, എന്നിവര്‍ മാര്‍ഗ്ഗനിര്‍ദ്ദേശങ്ങളള്‍ നല്‍കി. 

സംസ്ഥാന ജനറല്‍ സെക്രട്ടറി  കെ പി ഹരിദാസ് സമാപന സന്ദേശം നല്‍കി.  മെയ് 24, 25 , 26 തീയതികളിലാണ്  വൈക്കം സത്യാഗ്രഹത്തിന്റെ സന്ദേശമുള്‍ക്കൊണ്ട് സമ്മേളനം നടക്കുന്നത്. മെയ് മെയ് 25ന്  ഹിന്ദു നേതൃത്വ സമ്മേളനവും 26ന്  സംസ്ഥാന പ്രതിനിധി സമ്മേളനവും നടക്കും. യോഗത്തില്‍ ജില്ലാ ജനറല്‍ സെക്രട്ടറി  കൃഷ്ണകുമാര്‍ കുമ്മനം , സംസ്ഥാന ജനറല്‍ സെക്രട്ടറി മഞ്ഞപ്പാറ സുരേഷ് , സംസ്ഥാന ഉപാധ്യക്ഷന്‍മാരായ കെ വി ശിവന്‍ , പി എസ് പ്രസാദ് , അനിത ജനാര്‍ദ്ദനന്‍ , സമിതി അംഗങ്ങളായ പ്രൊഫസര്‍ ടീ ഹരിലാല്‍ ,കെ കെ തങ്കപ്പന്‍ ,ജില്ലാ സംഘടന സെക്രട്ടറി സി ഡി മുരളീധരന്‍, സഹ സംഘടന സെക്രട്ടറി  ആര്‍ ജയചന്ദ്രന്‍ തുടങ്ങിയവര്‍ പ്രസംഗിച്ചു.