കുറിച്ചിത്താനം ശ്രീധരി ജംഗ്ഷന്‍ ഹൈമാസ്റ്റ് ലൈറ്റ് മിഴിയടച്ചതോടെ ഇരുട്ടിലായി. സോളാര്‍ ലൈറ്റും സ്ട്രീറ്റ് ലൈറ്റുകളുമെല്ലാം തെളിയാതായതോടെ രാത്രികാലങ്ങളില്‍ ജംഗ്ഷനിലെത്തുന്നവര്‍ വലിയ ബുദ്ധിമുട്ട് അനുഭവിക്കുന്നതായി നാട്ടുകാര്‍ പറഞ്ഞു. ജോസ് K മാണി MP യുടെ വികസനഫണ്ട് ഉപയോഗിച്ച് സ്ഥാപിച്ച ഹൈമാസ്റ്റ് ലൈറ്റ് കേടുപാടുകള്‍ പരിഹരിച്ച് ആഴ്ചകള്‍ക്കുള്ളില്‍ വീണ്ടും തെളിയാതാവുകയായിരുന്നു. KR നാരായണന്‍ ഗവ സ്‌കൂളും, കാരിപ്പടവത്തു കാവും, കുരിശുപള്ളിയും ,മരങ്ങാട്ടുപിള്ളി SCB, HDFC ബാങ്കുകളുമെല്ലാം സ്ഥിതിചെയ്യുന്ന പ്രധാന ജംഗ്ഷന്‍ ഇരുട്ടിലാവുന്നത് ജനങ്ങളെ വിഷമിപ്പിക്കുകയാണ്. രാത്രികാലങ്ങളില്‍ ഇതുവഴിയുള്ള ദീര്‍ഘദൂര ബസ്സുകളില്‍ എത്തുന്ന യാത്രക്കാരും വലിയ ദുരിതമാണനുഭവിക്കുന്നത് . കിടങ്ങൂര്‍ കൂത്താട്ടുകുളം KR നാരായണന്‍ റോഡിലെ കുറിച്ചിത്താനം ശ്രീധരി ജംഗഷനോട് അധികൃതര്‍ അവഗണന കാണിക്കുന്നതായി നാട്ടുകാര്‍ പരാതിപ്പെടുന്നു. ഹൈമാസ്റ്റ് ലൈറ്റ് പരസ്യ ബോര്‍ഡുകള്‍ സ്ഥാപി ക്കാന്‍ മാത്രമാണ് ഉപകരിക്കുന്നതെന്നും ബോര്‍ഡുകള്‍ കാഴ്ചമറയുന്നതായും പരാതി ഉയര്‍ന്നു. ഹൈമാസ്റ്റ് ലൈറ്റ് നവീകരിക്കാനും സ്ട്രീറ്റ് ലൈറ്റുകള്‍ തെളിയുന്നുവെന്നുറപ്പുവരുത്താനും നടപടി വേണമെന്നും ഇക്കാര്യത്തില്‍ അധികൃതരുടെ അനാസ്ഥ തുടര്‍ന്നാല്‍ ശക്തമായ പ്രതിഷേധമുയരുമെന്നും പ്രദേശവാസികള്‍ പറഞ്ഞു. വ്യാപാരസ്ഥാപനങ്ങളിലെ ലൈറ്റുകള്‍ അണഞ്ഞാല്‍ കൂരിരുട്ടിലാവുന്ന ജംഗ്ഷനില്‍ പുലര്‍ച്ചെയെത്തുന്ന യാത്രക്കാര്‍ ദുരിതമനുഭവിക്കുന്ന സാഹചര്യം അധികൃതരുടെ ശ്രദ്ധയില്‍പെടുത്തിയിട്ടും നടപടികളുണ്ടായില്ലെന്ന് ആക്ഷേപമുയരുന്നു.
.jpg)
0 Comments