അന്തരിച്ച മുന്‍ മുഖ്യമന്ത്രി ഉമ്മന്‍ചാണ്ടിയോടുള്ള സ്‌നേഹാദരവുകളുമായി കാണക്കാരിയിലെ സന്നദ്ധ സംഘടന കൂട്ടായ്മയുടെ നേരത്വത്തില്‍ ഉമ്മന്‍ചാണ്ടി ഫൗണ്ടേഷന്‍ രൂപീകരിച്ചു. ഫൗണ്ടേഷന്റെ ഉദ്ഘാടനം ഗ്രാമപഞ്ചായത്ത് അംഗങ്ങളായ ശ്യാംകുമാറും തമ്പി ജോസഫും ചേര്‍ന്ന് നിര്‍വഹിച്ചു. യൂണിറ്റ് രൂപീകരണത്തോടനുബന്ധിച്ച് സംഘടിപ്പിച്ച സൗജന്യ നേത്ര പരിശോധന ക്യാമ്പ് മോന്‍സ് ജോസഫ് എംഎല്‍എ ഉദ്ഘാടനം ചെയ്തു. എന്‍എസ്എസ് കരയോഗം ഓഡിറ്റോറിയത്തില്‍ സംഘടിപ്പിച്ച ഉദ്ഘാടന ചടങ്ങില്‍ ഫൗണ്ടേഷന്‍ കാണക്കാരി യൂണിറ്റ് ചെയര്‍മാന്‍ മനോജ് എടപ്പാടി അധ്യക്ഷത വഹിച്ചു. ഫൗണ്ടേഷന്‍ രക്ഷാധികാരിയും കാണക്കാരി മില്‍ക്ക് സൊസൈറ്റി പ്രസിഡണ്ടുമായ മാത്യു മുഖ്യപ്രഭാഷണം നടത്തി. സന്നദ്ധ സംഘടന രൂപീകരണത്തോടനുബന്ധിച്ച് ഫാത്തിമ ഐ ഹോസ്പിറ്റലുമായി സഹകരിച്ചാണ് മെഡിക്കല്‍ ക്യാമ്പ് സംഘടിപ്പിച്ചത് ഉമ്മന്‍ചാണ്ടി ഫൗണ്ടേഷന്‍ ഭാരവാഹികളായ ഒ.എം. വിശ്വംഭരന്‍, ഷൈജു, സോണി ജോസഫ്, അനീഷ്, മനോജ് വാറ്റുപുര തുടങ്ങിയവര്‍ ക്യാമ്പിന് നേതൃത്വം നല്‍കി.
.jpg)
0 Comments