പടിഞ്ഞാറ്റിന്‍കര പാട്ടുപുരയ്ക്കല്‍ ഭഗവതി ക്ഷേത്രത്തില്‍ മീനഭരണി മഹോത്സവം

പടിഞ്ഞാറ്റിന്‍കര പാട്ടുപുരയ്ക്കല്‍ ഭഗവതി ക്ഷേത്രത്തിലെ മീനഭരണി മഹോത്സവം ഏപ്രില്‍ 9,10 തീയതികളില്‍ നടക്കും. തന്ത്രി മുണ്ടക്കൊടി ഇല്ലത്ത് വിഷ്ണുനമ്പൂതിരി, മേല്‍ശാന്തി കുമാരമംഗലത്ത് ദേവദാസ് നമ്പൂതിരി എന്നിവര്‍ ഉത്സവ ചടങ്ങുകള്‍ക്ക് കാര്‍മ്മികത്വം വഹിക്കും. അശ്വതി മഹോത്സവ ദിനമായ ചൊവ്വാഴ്ച വൈകീട്ട  6ന്  ഇല്ലിമുക്ക് ജംഗ്ഷനില്‍ നിന്നും  താലപ്പൊലി ഘോഷയാത്ര ആരംഭിക്കും. വ്യാഴാഴ്ച മീനഭരണി മഹോത്സവത്തോടനുബന്ധിച്ച് കുംഭകുട ഘോഷയാത്ര, കലം കരിയ്ക്കല്‍, വൈകീട്ട് താലപ്പൊലി ഘോഷയാത്ര എന്നിവ നടക്കും