രുധിരമാല ഭഗവതി ക്ഷേത്രത്തിലെ പത്താമുദയ മഹോത്സവത്തിന് കൊടിയേറി

മാഞ്ഞൂര്‍ വേലച്ചേരി രുധിരമാല ഭഗവതി ക്ഷേത്രത്തിലെ പത്താമുദയ മഹോത്സവത്തിന് കൊടിയേറി. ഞായറാഴ്ച രാവിലെ നടന്ന കൊടിയേറ്റ് കര്‍മ്മങ്ങള്‍ക്ക് ക്ഷേത്രം തന്ത്രി അജി നാരായണന്‍ മുഖ്യകാര്‍മ്മികത്വം വഹിച്ചു. കലശപൂജ, വൈകീട്ട്  സര്‍പ്പപൂജ, കളം എഴുത്തും പാട്ടും, എന്നിവയും നടന്നു. 17-ന് രാവിലെ 11-ന് കലശാഭിഷേകം, 11.30-ന് ആയില്യംപൂജയും നടക്കും. 19-ന് രാത്രി 7.30-നും, 20-നും 21-നും രാത്രി ഏഴിനും താലപ്പൊലി ഘോഷയാത്ര നടക്കും.  23-ന് ഉച്ചയ്ക്ക് 12-ന് സര്‍പ്പപൂജ, നൂറും പാലും സമര്‍പ്പണം, വൈകീട്ട് 6.30-ന് ആറാട്ട് പുറപ്പാട്, രാത്രി 7.15-ന് മള്ളിയൂര്‍ മഹാഗണപതി ക്ഷേത്രക്കുളക്കടവില്‍ ആറാട്ട്, 8.30-ന് ആറാട്ട് എതിരേല്‍പ്പ്, 10.30-ന് കരിംകുരുതി, ചെങ്കുരുതി എന്നിവ നടക്കും.