ടീച്ചേഴ്‌സ് ഗില്‍ഡ് ഏര്‍പ്പെടുത്തിയ മികച്ച അദ്ധ്യാപകനുള്ള എക്‌സ്‌ലന്റ് അവാര്‍ഡ് നേടിയ മറ്റക്കര - മഞ്ഞാമറ്റം സെന്റ് ആന്റണീസ് എല്‍.പി.സ്‌കൂള്‍ ഹെഡ്മാസ്റ്ററും, കാഞ്ഞിരമറ്റം മാര്‍സ്ലീവാ ചര്‍ച്ച് പാരീഷ് കൗണ്‍സില്‍ സെക്രട്ടറിയുമായ സജി നാകമറ്റത്തിന് ജന്മനാട്ടില്‍ സ്വീകരണം നല്‍കി. കാഞ്ഞിരമറ്റം എവര്‍ഗ്രീന്‍ സസ്റ്റയിനബിള്‍ ഡവലപ്‌മെന്റ് സൊസൈറ്റിയും തേജസ് കര്‍ഷക ദളവും സംയുക്തമായി സംഘടിപ്പിച്ച സ്വീകരണ സമ്മേളനത്തില്‍ മാര്‍സ്ലീവാ പള്ളി വികാരി ഫാ.ജോസഫ് മണ്ണനാല്‍ അവാര്‍ഡു ജേതാവിന് സ്‌നേഹോപഹാരം സമ്മാനിച്ചു. എവര്‍ഗ്രീന്‍ സൊസൈറ്റി പ്രസിഡന്റ് ഡാന്റീസ് കൂനാനിക്കല്‍ അദ്ധ്യക്ഷത വഹിച്ചു. സഹ വികാരി ഫാ.ജോസഫ് മഠത്തിപ്പറമ്പില്‍, ഗ്രാമ പഞ്ചായത്തംഗം മാത്തുക്കുട്ടി ഞായര്‍കുളം, കര്‍ഷക ദള ഫെഡറേഷന്‍ പ്രസിഡന്റ് ജയ്‌മോന്‍ പുത്തന്‍പുരയ്ക്കല്‍, എവര്‍ഗ്രീന്‍ സെക്രട്ടറി സെബാസ്റ്റ്യന്‍ ആരുച്ചേരില്‍ , കര്‍ഷക ദളം സെക്രട്ടറി ബെന്നി മാത്യു തോലാനിക്കല്‍ തുടങ്ങിയവര്‍ പ്രസംഗിച്ചു. സജി നാകമറ്റം സ്വീകരണത്തിന് നന്ദി പറഞ്ഞു. കര്‍ഷകദളം പ്രസിഡന്റ് ജോസ് തോമസ് ഓലിയ്ക്കതകിടിയില്‍, എ.കെ.സി.സി ട്രഷറര്‍ ജോര്‍ജുകുട്ടി കുന്നപ്പള്ളി, കാഞ്ഞിരമറ്റം അഗ്രോ പ്രൊഡ്യൂസര്‍ കമ്പനി ഡയറക്ടര്‍ ബോര്‍ഡംഗം ടോമി മുടന്തിയാനി, ഫെഡറേഷന്‍ സെക്രട്ടറി ജോസഫ് ഓലിയ്ക്ക തകിടിയില്‍, പ്രൊമോട്ടര്‍ ജോസ് മാത്യു തോലാനിക്കല്‍, എസ്.എം.വൈ.എം. പ്രസിഡന്റ് അലന്‍ ബെന്നി, ഉണര്‍വ്വ് ദളം ഭാരവാഹികളായ ബെറ്റ്‌സി ടോമി, ആശാ ബെന്നി, മേഴ്‌സി ഡാന്റീസ്, ഷൈനി ജോസ് , എല്‍സമ്മ ജോസ് , റിന്‍സി ജോസ് തുടങ്ങിയവര്‍ നേതൃത്വം നല്‍കി.
.jpg)
0 Comments