എല്‍.ഡി.എഫ് കോട്ടയം പാര്‍ലമെന്റ് സ്ഥാനാര്‍ത്ഥി തോമസ് ചാഴികാടന്‍ പാലായില്‍ കെ.എം മാണിയുടെ കല്ലറയില്‍ പ്രാര്‍ത്ഥന നടത്തി. പാലാ കത്തീഡ്രല്‍ സെമിത്തേരിയിലെ കെ.എം.മാണിയുടെ കല്ലറയില്‍ കേരള കോണ്‍ (എം) ചെയര്‍മാന്‍ ജോസ് കെ.മാണി, മുന്‍ എം.എല്‍.എ സ്റ്റീഫന്‍ ജോര്‍ജ് എന്നിവര്‍ക്കൊപ്പമാണ് തോമസ് ചാഴിക്കാടന്‍ എത്തിയത്. തോമസ് ചാഴികാടന്റെ തെരഞ്ഞെടുപ്പു പ്രചരണ പരിപാടികളുടെ ഭാഗമായി മണ്ഡലം പര്യടനത്തിന് മുന്നോടിയായാണ് ചാഴികാടന്‍ രാഷ്ട്രീയ ഗുരുനാഥന്റെ കല്ലറയിലെത്തിയത്. നിയോജകമണ്ഡലം പര്യടനം രാവിലെ കൊല്ലപ്പള്ളിയില്‍ നിന്നും ആരംഭിച്ചു. ഏപ്രില്‍ 3 ന് ചാഴികാടന്‍ നാമനിര്‍ദ്ദേശ പത്രിക സമര്‍പ്പിക്കും. രാവിലെ 10.30ന് ജില്ലാ കളക്ട്രേറ്റിലാണ് പത്രികാ സമര്‍പ്പണം. കേരള കോണ്‍ഗ്രസ് ഓഫീസില്‍ നിന്നും പ്രകടനമായി ഗാന്ധി സ്‌ക്വയറില്‍ എത്തി നൂറു കണക്കിന് പ്രവര്‍ത്തകരുടെ അകമ്പടിയോടെ റോഡ് ഷോയായി കളക്ട്രേറ്റിലേക്ക് നീങ്ങും.
.jpg)
0 Comments