ഏറ്റുമാനൂര്‍ പൂഞ്ഞാര്‍ സംസ്ഥാനപാത നാലുവരിപ്പാത ആക്കണമെന്ന ആവശ്യം ശക്തമാകുന്നു.

ഏറ്റുമാനൂര്‍ പൂഞ്ഞാര്‍ സംസ്ഥാനപാത നാലുവരിപ്പാത ആക്കണമെന്ന ആവശ്യം ശക്തമാകുന്നു.. 1989 കളില്‍ ബിഎംബിസി നിലവാരത്തില്‍  നിര്‍മ്മിച്ച ഈ റോഡിന് ടൂറിസം മാപ്പില്‍ അടക്കം വലിയ പ്രാധാന്യമുള്ള സാഹചര്യത്തിലാണ് നാലുവരിപ്പാത എന്ന ആവശ്യം ഉയരുന്നത്. 1990കളിലെ വാഹനങ്ങളുടെ എണ്ണവും 2024ലെ വാഹനങ്ങളുടെ എണ്ണവും കണക്കാക്കുമ്പോള്‍ നിലവിലുള്ള റോഡുകള്‍ അപര്യാപ്തമാവുകയാണ്. ഈ സാഹചര്യത്തില്‍ കാലഘട്ടത്തിന്റെ ആവശ്യം മുന്‍നിര്‍ത്തി നാലുവരി പാത ആക്കണമെന്നാണ് ആവശ്യം ഉയരുന്നത്. നിലവില്‍ ഏറ്റുമാനൂര്‍ പൂഞ്ഞാര്‍ സംസ്ഥാന പാതയില്‍ വാഹനത്തിരക്ക് മൂലം  ജനം വളരെയധികം ബുദ്ധിമുട്ടിലാണ്. റോഡിലെ തിരക്കൂ മൂലം വാഹനം ലക്ഷ്യസ്ഥാനത്തേക്ക്  കൊണ്ടുപോകുവാന്‍ ബുദ്ധിമുട്ട് സഹിക്കണം. 

.ഇന്ധന നഷ്ടവും സാമ്പത്തിക നഷ്ടവും സമയനഷ്ടവും ആണ് സംഭവിക്കുന്നത് എന്നാണ് വിദഗ്ധര്‍ പറയുന്നത്. പുതിയ ട്രാഫിക്  സംസ്‌കാരം രൂപപ്പെടുത്തുന്നതിനൊപ്പം വാഹന ബാഹുല്യവും വിലയിരുത്തി സംസ്ഥാനപാത നാലുവരിപ്പാതയാക്കുവാന്‍  നടപടി വേണമെന്നാണ് ആവശ്യംഉയരുന്നത്.