ഞീഴൂര്‍ കിട്ടാമ്പാക്ക് റോഡ് വലിയതോട്ടിലേക്ക് ഇടിഞ്ഞു

ശക്തമായ മഴയില്‍ ഞീഴൂര്‍ കിട്ടാമ്പാക്ക് റോഡ് വലിയതോട്ടിലേക്ക് ഇടിഞ്ഞു താഴ്ന്നു. റോഡിന്റെ പകുതിയോളം ഇടിഞ്ഞതോടെ ഇതുവഴിയുള്ള വാഹനഗതാഗതം അപകട ഭീഷിണിയിലായി. വാഹനങ്ങള്‍ കടന്നു പോകുമ്പോള്‍ കൂടുതല്‍ മണ്ണിടിച്ചിലുണ്ടാകാനുള്ള സാധ്യത കണക്കിലെടുത്ത് ഞീഴൂര്‍ കാട്ടാമ്പാക്ക് റോഡിലൂടെയുള്ള ഗതാഗതം നിരോധിച്ചതായി ഞീഴൂര്‍ പഞ്ചായത്തധികൃതര്‍ അറിയിച്ചു.  ഞീഴൂര്‍  ആയുഷ് കേന്ദ്രത്തിന് സമീപവും തുരുത്തിപ്പള്ളി -  വെണ്ണമറ്റം റോഡിലുമാണ് 40 മീറ്ററിലേറേ ദൂരം ഇടിഞ്ഞു വീണത് .  

ശക്തമായ മഴ തുടരുന്നതിനാല്‍ കൂടുതല്‍ ഭാഗം ഇടിഞ്ഞു വീഴുമോയെന്ന ആശങ്കയും നിലനില്‍ക്കുകയാണ്. പഞ്ചായത്ത് പസിഡന്റ് ശ്രീകലാ ദിലീപ്, വൈസ് പ്രസിഡന്റ് കെ.പി. ദേവദാസ്, സ്റ്റാന്‍ഡിംഗ് കമ്മിറ്റിയധ്യക്ഷരായ ബീനാ ഷിബു, രാഹൂല്‍ രാജു, സെക്രട്ടറി ബിജു എം. മാത്യൂസ് എന്നിവരുടെ നേതൃത്വത്തില്‍ സ്ഥിതിഗതികള്‍ പരിശോധിച്ചു. കടുത്തുരുത്തി ജംഗ്ഷനും ഐടിസി ജംഗ്ഷനുo മധ്യേ ഉള്ള കട്ടിംഗ് റോഡിലും മണ്ണിടിച്ചില്‍ ഉണ്ടാകുന്നത് അപകട ഭീഷണി ഉയര്‍ത്തുകയാണ്.