യുവാവിനെ വെട്ടി കൊലപ്പെടുത്താന്‍ ശ്രമിച്ച കേസില്‍ മൂന്നുപേരെ പോലീസ് അറസ്റ്റ് ചെയ്തു

യുവാവിനെ വെട്ടി  കൊലപ്പെടുത്താന്‍ ശ്രമിച്ച കേസില്‍ മൂന്നുപേരെ പോലീസ് അറസ്റ്റ് ചെയ്തു. പുലിയന്നൂര്‍  കൊഴുവനാല്‍ കൊങ്ങാരപ്പള്ളില്‍  ജിന്റു ജോര്‍ജ്ജ്,  പത്തനംതിട്ട ചാത്തന്‍തറ താന്നിമൂട്ടില്‍ വീട്ടില്‍ ശരത് മോന്‍,  അകലകുന്നം ഇടമുള പേഴുത്തുങ്കല്‍ വീട്ടില്‍ ജിത്തു മോന്‍എന്നിവരെയാണ് പാലാ പോലീസ് അറസ്റ്റ് ചെയ്തത്. ഇവര്‍ വെള്ളിയാഴ്ച  വൈകിട്ട് 6.30 മണിയോടുകൂടി കൊഴുവനാല്‍ സ്വദേശികളായ യുവാക്കള്‍ സഞ്ചരിച്ചിരുന്ന ഓട്ടോറിക്ഷ അറക്കപ്പാലം ഭാഗത്ത് വച്ച് തടഞ്ഞു നിര്‍ത്തുകയും, ഇവരെ ചീത്ത വിളിക്കുകയും വണ്ടിയില്‍ ഉണ്ടായിരുന്ന യുവാവിനെ അരിവാള്‍ കൊണ്ട് വെട്ടി കൊലപ്പെടുത്താന്‍ ശ്രമിക്കുകയുമായിരുന്നു. 

കൂടാതെ വണ്ടിയില്‍ ഉണ്ടായിരുന്ന ഇയാളുടെ സുഹൃത്തുക്കളെ കല്ല് ഉപയോഗിച്ച് ആക്രമിക്കുകയും ചെയ്തു. പിന്നീട് ഇവര്‍ സഞ്ചരിച്ചിരുന്ന ഓട്ടോറിക്ഷ അടിച്ചു തകര്‍ക്കുകയുമായിരുന്നു. യുവാവിനോട് ഇവര്‍ക്ക് മുന്‍വിരോധം നിലനിന്നിരുന്നു. ഇതിന്റെ  തുടര്‍ച്ചയെന്നോണമാണ് ഇവര്‍ ആക്രമണം നടത്തിയത്. പരാതിയെ തുടര്‍ന്ന് പാലാ പോലീസ് കേസ് രജിസ്റ്റര്‍ ചെയ്യുകയും ഇവരെ അറസ്റ്റ് ചെയ്യുകയുമായിരുന്നു. പാലാ സ്റ്റേഷന്‍ എസ്.എച്ച്.ഓ ജോബിന്‍ ആന്റണി, എസ്.ഐ രാജീവന്‍ കെ.ഡി , സി.പി.ഓ മാരായ അഖിലേഷ്, അജയകുമാര്‍ എന്നിവര്‍ ചേര്‍ന്നാണ് ഇവരെ അറസ്റ്റ് ചെയ്തത്. ഇവരെ കോടതിയില്‍ ഹാജരാക്കി.