പഠനോപകരണ വിതരണവും മൊമെന്റോ വിതരണവും നടത്തി

 

വിശ്വകര്‍മ്മ സര്‍വീസ്സ് സൊസൈറ്റി പാലാ ടൗണ്‍ ശാഖയുടെ ആഭിമുഖ്യത്തില്‍ കുട്ടികള്‍ക്ക് പഠനോപകരണ വിതരണവും വൃക്ഷത്തൈ വിതരണവും, പത്താം ക്‌ളാസ്സിലും പ്ലസ്ടു വിലും ഉന്നത വിജയം കരസ്ഥമാക്കിയ കുട്ടികള്‍ക്ക് മൊമെന്റോ വിതരണവും നടത്തി. കോട്ടയം ജില്ലാ സെക്രട്ടറി  കെ വി ഷാജി പരിപാടി ഉദ്ഘാടനം ചെയ്തു. മീനച്ചില്‍ താലൂക്ക്  യൂണിയന്‍ പ്രസിഡന്റ്  ശശി ആണ്ടൂര്‍ വൃക്ഷത്തൈ വിതരണവും, താലൂക്ക്  യൂണിയന്‍ സെക്രട്ടറി ബിനു സുരേഷ് പാഠപുസ്തക വിതരണവും, താലൂക്ക്  യൂണിയന്‍ ഖജാന്‍ജി  ഷിബു മൊമെന്റോ വിതരണവും നിര്‍വഹിച്ചു. പാലാ ടൗണ്‍ ശാഖാ സെക്രട്ടറി ശ്രീനാഥ് പുത്തന്‍പുരക്കല്‍ അധ്യക്ഷത വഹിച്ചു. ശാഖാ ജോയിന്റ് സെക്രട്ടറി  വിപിന്‍ യൂണിയന്‍ ജോയിന്റ് സെക്രട്ടറി രമേശ് മണ്ണാറമറ്റം,  അനുജ ബൈജു തുടങ്ങിയവര്‍ സംസാരിച്ചു.