യുവാവിനെ കൊലപ്പെടുത്താന്‍ ശ്രമിച്ച കേസില്‍ മധ്യവയസ്‌കനെ പോലീസ് അറസ്റ്റ് ചെയ്തു. മണര്‍കാട് അരീപറമ്പ് ഭാഗത്ത് തലച്ചിറവയലില്‍ വീട്ടില്‍ ( അയര്‍ക്കുന്നം ഭാഗത്ത് വാടകയ്ക്ക് താമസം ) ജോസ് എ.എം (56) എന്നയാളെയാണ് അയര്‍ക്കുന്നം പോലീസ് അറസ്റ്റ് ചെയ്തത്. കഴിഞ്ഞദിവസം ഉച്ചയ്ക്ക് 2:30 മണിയോടുകൂടി അയര്‍ക്കുന്നം പ്രൈവറ്റ് ബസ് സ്റ്റാന്‍ഡില്‍ വച്ച് കൂരോപ്പട സ്വദേശിയായ യുവാവിനെ ഇയാള്‍ കത്തികൊണ്ട് വെട്ടി കൊലപ്പെടുത്താന്‍ ശ്രമിക്കുകയായിരുന്നു. ബസ്റ്റാന്‍ഡില്‍ വച്ച് ഇയാള്‍ യുവാവിനെ ചീത്ത വിളിച്ചത് യുവാവ് ചോദ്യം ചെയ്തതിലുള്ള വിരോധം മൂലമാണ് ഇയാള്‍ യുവാവിനെ ആക്രമിച്ചത്. പരാതിയെ തുടര്‍ന്ന് അയര്‍ക്കുന്നം പോലീസ് കേസ് രജിസ്റ്റര്‍ ചെയ്യുകയും തുടര്‍ന്ന് നടത്തിയ തിരച്ചിലില്‍ ഇയാളെ പിടികൂടുകയുമായിരുന്നു. അയര്‍ക്കുന്നം സ്റ്റേഷന്‍ എസ്.എച്ച്.ഓ അനൂപ് ജോസ്, എസ്.ഐ മാരായ ആനന്ദ്, ജേക്കബ്, എ.എസ്.ഐ പ്രദീപ്, സി.പി.ഓ മാരായ ശ്രീജിത്ത്, ബിങ്കര്‍, ഗിരീഷ്, അരുണ്‍കുമാര്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
.webp)
.webp)
.webp)
.jpeg)
0 Comments