സിബിഎസ്ഇ സ്‌കൂളുകളുടെ കോട്ടയം സഹോദയ 2024 -25 വര്‍ഷം നടത്തുന്ന കലാകായിക മത്സരങ്ങളുടെ വേദികളും സമയക്രമവും പ്രഖ്യാപിച്ചു. കോട്ടയം സഹോദയയുടെ വര്‍ക്കിംഗ് പ്രസിഡന്റ് ഫാ. തോമസ് പാറത്താനം, ജനറല്‍ സെക്രട്ടറി കവിത ആര്‍.സി, ട്രഷറര്‍ ഫാ. ജോഷ് കെ. എന്നിവര്‍ വാര്‍ത്താസമ്മേളനത്തില്‍ പങ്കെടുത്തു. ഒക്ടോബര്‍ 14 ന് പ്രതിഭാ സംഗമം കോട്ടയം ലൂര്‍ദ് പബ്ലിക് സ്‌കൂളില്‍ നടക്കും. സര്‍ഗ്ഗസംഗമം ഒക്ടോബറില്‍ മരങ്ങാട്ടുപിള്ളി ലേബര്‍ ഇന്ത്യ പബ്ലിക് സ്‌കൂളില്‍ നടക്കും. വോളിബോള്‍ ഒക്ടോബര്‍ 29, 30 തീയതികളില്‍ കോട്ടയം ഗിരിദീപം ബഥനി സെന്‍ട്രല്‍ സ്‌കൂളിലും, ഫുട്‌ബോള്‍ ഒക്ടോബര്‍ 29 മുതല്‍ 26 വരെ കാഞ്ഞിരപ്പള്ളി സെന്റ ജോസഫ് സ്‌കൂളിലും, ചെസ്സ് നവംബര്‍ 16ന് മുണ്ടക്കയം സെന്റ് ജോസഫ് സെന്‍ട്രല്‍ സ്‌കൂളിലും നടക്കും. റോളര്‍ സ്‌കേറ്റിംഗ് സെപ്റ്റംബര്‍ 28 ന് ഏറ്റുമാനൂര്‍ എസ്എഫ്എസ് പബ്ലിക് സ്‌കൂളില്‍ നടക്കും. ബാസ്‌കറ്റ്‌ബോള്‍ കോട്ടയം എസ്.എച്ച് സ്‌കൂളിലും, ത്രോ ബോള്‍ തെങ്ങണ ഗുഡ് ഷെപ്പേര്‍ഡ് പബ്ലിക് സ്‌കൂളിലുമാണു നടക്കുന്നത്. എഡ്യൂക്കേഷണല്‍ എക്‌സ്‌പോ - നവംബര്‍ 2 ന് പുതുപ്പള്ളി ഡോണ്‍ ബോസ്‌കോ സെന്‍ട്രല്‍ സ്‌കൂളിലും, ബാഡ്മിന്റണ്‍ മത്സരങ്ങള്‍ കടുത്തുരുത്തി എസ്.കെ.പി.എസില്‍ നവംബര്‍ 4 നും നടക്കും.
.webp)
.webp)
.webp)
.jpeg)
0 Comments