റോഡില്‍ അശ്രദ്ധമായി വട്ടം തിരിച്ച കാറില്‍ സ്വകാര്യ ബസ് ഇടിച്ചു.

 

റോഡില്‍ അശ്രദ്ധമായി വട്ടം തിരിച്ച കാറില്‍ സ്വകാര്യ ബസ് ഇടിച്ചു. ഏറ്റുമാനൂര്‍ തവളക്കുഴിയില്‍ തിങ്കളാഴ്ച ഉച്ചകഴിഞ്ഞ് 3 മണിയോടെയായിരുന്നു സംഭവം. ഏറ്റുമാനൂര്‍ ടൗണ്‍ ഭാഗത്തുനിന്നും വന്ന കാര്‍ തവളക്കുഴി ബാറിന് സമീപം റോഡില്‍ വട്ടം തിരിക്കുന്നതിനിടെയാണ് പിന്നാലെ എത്തിയ സ്വകാര്യ ബസ് ഇടിച്ചത്. അപകടത്തെ തുടര്‍ന്ന് കാര്‍ ഡ്രൈവര്‍ വാഹനം മുന്നോട്ടെടുക്കുന്നതിനിടെ വീണ്ടും ബസ്സുമായി കൂട്ടിയിടിച്ചു. ഇടിച്ചതിനു ശേഷം കാര്‍ നിര്‍ത്താതെ ഓടിച്ചുപോയ ഡ്രൈവര്‍ വാഹനം തവളക്കുഴി പെട്രോള്‍ പമ്പിന് സമീപം നിര്‍ത്തിയിട്ട ശേഷം മറ്റൊരു വാഹനത്തില്‍ കയറി പോവുകയായിരുന്നു. അപകടത്തില്‍ കാര്‍ ഡ്രൈവര്‍ക്ക് പരിക്കേറ്റിട്ടുണ്ട്.