കെ.എസ്.ടി.എ കോട്ടയം ജില്ലാ കമ്മറ്റിയുടെ നേതൃത്വത്തില്‍ അദ്ധ്യാപകര്‍ക്കായി പ്രവൃത്തി പരിചയ ശില്പശാല സംഘടിപ്പിച്ചു. പ്രവൃത്തി പരിചയ മേളകളില്‍ പങ്കെടുക്കുന്ന വിദ്യാര്‍ത്ഥികള പരിശീലിപ്പിക്കുന്ന അദ്ധ്യാപകര്‍ക്കായാണ് ശില്പശാല സംഘടിപ്പിച്ചത്. പാഴ്വസ്തുകള്‍ കൊണ്ടുള്ള ഉപകരണ നിര്‍മ്മാണം, പേപ്പര്‍ ക്രാഫ്റ്റ്, ഫേബ്രിക്ക് പെയിന്റ് എന്നീ മൂന്നിനങ്ങളിലാണ് പരിശീലനം നടത്തിയത്. ഗവണ്‍മെന്റ് ടി.ടി.ഐ ഏറ്റുമാനൂരില്‍ വച്ച് നടത്തിയ ശില്പശാല K STA സംസ്ഥാന എക്സിക്യൂട്ടീവ് കമ്മറ്റിയംഗം അനീഷ് ലാല്‍ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് രാജ്കുമാര്‍ അധ്യക്ഷത വഹിച്ചു. കെ.എസ്.ടി.എ കോട്ടയം ജില്ലാ സെക്രട്ടറി കെ.എസ് അനില്‍ കുമാര്‍ സംസ്ഥാന കമ്മറ്റി അംഗങ്ങളായ അനിതാ ശുശീല്‍, കെ.ജെ പ്രസാദ് എന്നിവര്‍ സംസാരിച്ചു. കലാ കായിക സബ് കമ്മറ്റി കണ്‍വീനര്‍ പി.ആര്‍ പ്രവീണ്‍ നന്ദി രേഖപ്പെടുത്തി. പ്രവൃത്തിപരിചയ ക്ലബ്ബ് കോട്ടയം ജില്ലാ സെക്രട്ടറി സജിമോന്‍ കെ.കെ, അധ്യാപകരായ ഹരീന്ദ്രനാഥ് സി, ഷിബി ജോസ് കാട്ടൂര്‍ക്കാരന്‍ , കൃഷ്ണന്‍കുട്ടി എന്‍.വി എന്നിവര്‍ ക്ലാസുകള്‍ക്ക് നേതൃത്വം നല്‍കി. കുട്ടികളുടെ സര്‍ഗ്ഗശേഷിയെ പരിപോഷിപ്പിക്കുന്നതിനായി കെ.എസ്.ടി.എ ഏറ്റെടുത്ത പ്രവര്‍ത്തനത്തില്‍ ജില്ലയിലെ വിവിധ ഭാഗങ്ങളിലുള്ള നൂറോളം അദ്ധ്യാപകര്‍പങ്കെടുത്തു.
.webp)
.webp)
.webp)
0 Comments