കുറുമുള്ളൂര്‍ വിവേകാനന്ദ പബ്ലിക് സ്‌കൂളില്‍ രക്ഷാബന്ധന്‍ മഹോത്സവം ആചരിച്ചു. പ്രിന്‍സിപ്പല്‍ സബിത ചന്ദ്രന്‍ അധ്യക്ഷയായിരുന്നു. ദക്ഷിണ പ്രാന്ത ബൗദ്ധിക് പ്രമുഖ് പി ഉണ്ണികൃഷ്ണന്‍ കുട്ടികള്‍ക്ക് രക്ഷാബന്ധന്‍ മഹോത്സവ സന്ദേശം നല്‍കി. ഹെറിറ്റേജ് ക്ലബ്ബിന്റെ ഉദ്ഘാടനം ഏറ്റുമാനൂര്‍ രാധാകൃഷ്ണന്‍ നിര്‍വഹിച്ചു. ചരിത്രം, സംസ്‌കാരം, പൈതൃക സമ്പത്ത് എന്നിവ സംരക്ഷിക്കുന്നതിന് വേണ്ടിയാണ് ഹെറിറ്റേജ് ക്ലബ്ബിന് രൂപം നല്‍കിയിരിക്കുന്നത്. സദാനന്ദന്‍, പ്രിയ സദാനന്ദന്‍, അനന്ദു എന്നിവര്‍ ചേര്‍ന്ന് പുള്ളുവന്‍ പാട്ട് അവതരിപ്പിച്ചു. കര്‍ഷക ദിനാചരണത്തോടനുബന്ധിച്ച് കാണക്കാരി പഞ്ചായത്ത് പതിനാലാം വാര്‍ഡിലെ കര്‍ഷകനായ ബേബി ജോസഫ് പാറേപ്പറമ്പിലിനെ പൊന്നാട അണിയിച്ച് ആദരിച്ചു. സംസ്‌കൃതം അധ്യാപിക ആര്‍ദ്ര ശരത്തിന്റെ നേതൃത്വത്തില്‍ സംസ്‌കൃത പ്രതിജ്ഞയെടുത്തു കൊണ്ട് സംസ്‌കൃത ദിനാചരണ പരിപാടികളും നടന്നു. വിവേകാനന്ദ പബ്ലിക് സ്‌കൂള്‍ അഡ്മിനിസ്‌ട്രേറ്റര്‍ വി.ജി. ഗോപകുമാര്‍ അധ്യാപിക മിനിമോള്‍ പി, PRO ഗീത മോഹന്‍ എന്നിവര്‍ സംസാരിച്ചു.
.webp)
.webp)
.webp)
.jpeg)
0 Comments