വൈസ്‌മെന്‍ ഇന്റര്‍നാഷനല്‍ പിഴക് ചാപ്റ്ററിന്റെ നേതൃത്വത്തില്‍ വാക്കത്തോണ്‍ 2024 മത്സരം സംഘടിപ്പിച്ചു. ക്ലബ് നല്‍കി വരുന്ന സൗജന്യ ഡയാലിസ് കിറ്റിനുള്ള തുക സമാഹരിക്കാന്‍ ലക്ഷ്യമിട്ടായിരുന്നു പരിപാടി. മാണി സി. കാപ്പന്‍ എം.എല്‍.എ മത്സരം ഫ്‌ലാഗ് ഓഫ് ചെയ്തു. ക്ലബ് പ്രസിഡന്റ് ജോസ് മലയില്‍ അധ്യക്ഷത വഹിച്ചു. പിഴകില്‍ നിന്നും ആരംഭിച്ച വാക്കത്തോണ്‍ രാമപുരം ടൗണ്‍ റൗണ്ടാന ചുറ്റി പിഴകില്‍ സമാപിച്ചു. ഒന്‍പതു കിലോമീറ്റര്‍ ദൂരം വരുന്ന കൂട്ട നടത്ത മത്സരത്തില്‍ പ്രായഭേദമന്യേ എഴുതോളം പേര്‍ പങ്കെടുത്തു
. വിജയികള്‍ക്ക് 10,001, 7,001. 5,001 രൂപ കാഷ് അവാര്‍ഡും ട്രോഫി, മെഡല്‍ എന്നിവ സമ്മാനിച്ചു. പ്രസിഡന്റ് ജോസ് ജോസഫിന്റെ അധ്യക്ഷതയില്‍ നടന്ന സമ്മേളനത്തില്‍ രാമപുരം സര്‍ക്കിള്‍ ഇന്‍സ്‌പെക്ടര്‍ അഭിലാഷ് കുമാര്‍ സമ്മാനദാനം നിര്‍വഹിച്ചു. ഡിസ്ട്രിക് ഗവര്‍ണര്‍ ഡോ.സണ്ണി വി. സക്കറിയാസ്, മുന്‍ ഗവര്‍ണര്‍ കെ.എം. ചെറിയാന്‍, പഞ്ചായത്ത് പ്രസിഡന്റ് ജിജി തമ്പി , പ്രോജക്ട് കോ-ഓര്‍ഡിനേറ്റര്‍ റോക്കി തോമസ്, സെക്രട്ടറി റോയി സെബാസ്റ്റ്യന്‍, തോമസ് അഗസ്റ്റിന്‍ തുടങ്ങിയവര്‍ പ്രസംഗിച്ചു. മത്സരത്തില്‍ സാന്ദ്ര സുരേന്ദ്രന്‍ ഒന്നാംസ്ഥാനവും അനന്ദു അനില്‍ രണ്ടാം സ്ഥാനവും പോള്‍ തച്ചാംപുറം മൂന്നാംസ്ഥാനവും നേടി
0 Comments