നിയന്ത്രണം നഷ്ടമായ കാര്‍ റോഡരികിലെ കടയുടെ മതില്‍ ഇടിച്ചു തകര്‍ത്തു.

 

പാക്കില്‍ പൂവന്‍തുരുത്ത് റോഡില്‍ പൂവന്‍തുരുത്ത് മേല്‍പ്പാലത്തിനു സമീപം നിയന്ത്രണം നഷ്ടമായ കാര്‍ റോഡരികിലെ കടയുടെ മതില്‍ ഇടിച്ചു തകര്‍ത്തു. ടെലഫോണ്‍ പോസ്റ്റില്‍ ഇടിച്ചു നിയന്ത്രണം നഷ്ടമായ കാര്‍  റോഡരികിലെ മതിലില്‍ ഇടിക്കുകയായിരുന്നു അപകടത്തില്‍ കാറിലുണ്ടായിരുന്ന വയോധികയ്ക്ക് പരിക്കേറ്റു. ശനിയാഴ്ച വൈകിട്ട് നാലരയോടെയായിരുന്നു അപകടം- 

                                    

കഞ്ഞിക്കുഴിയില്‍ നിന്നും മാവേലിക്കരയിലേയ്ക്കു പോകുകയായിരുന്ന തിരുവനന്തപുരംസ്വദേശികളുടെ വാഹനമാണ്പൂവന്‍തുരുത്ത് മേല്‍പ്പാലത്തിനു സമീപത്തു വച്ച് നിയന്ത്രണം നഷ്ടപ്പെട്ട് കാര്‍ റോഡരികിലെ വൈദ്യുതി പോസ്റ്റിലും മതിലിലും ഇടിച്ചത്.. ഡ്രൈവര്‍ ഉറങ്ങിപ്പോയതാണ് അപകടകാരണമെന്ന് സംശയിക്കുന്നു.