.webp)
അതിരമ്പുഴ സെന്റ് അലോഷ്യസ് ഹൈസ്‌കൂളിലെ 1981 SSLC ബാച്ചിലെ പത്താം ക്ലാസ്- ബി ഡിവിഷനിലെ വിദ്യാര്‍ത്ഥികള്‍ ഒത്തു ചേര്‍ന്നു. 10 ബി അലോഷ്യന്‍സ് 81 കൂട്ടായ്മ 43 വര്‍ഷങ്ങള്‍ക്ക് ശേഷം അതിരമ്പുഴ ലയണ്‍സ് ക്ലബ് ഹാളിലാണ് ഒത്തു ചേര്‍ന്നത്. 10-ബി അലോഷ്യന്‍സ്' പ്രസിഡണ്ട് അഡ്വക്കേറ്റ് സാബു വര്‍ഗീസിന്റെ അധ്യക്ഷതയില്‍ ചേര്‍ന്ന യോഗം 10 ബി ക്ലാസ് ടീച്ചര്‍ ജൂലിയാമ്മ സെബാസ്റ്റ്യന്‍ ഉദ്ഘാടനം ചെയ്തു.
തുടര്‍ന്നു നടന്ന ഗുരുവന്ദനം ചടങ്ങില്‍ അധ്യാപകരായ പി.ടി ദേവസ്യ, ജേക്കബ് ജോസഫ്, ജൂലിയാമ്മ സെബാസ്റ്റ്യന്‍, പി.കെ ജോര്‍ജ്, കെ.പി ദേവസ്യ, കെ. സി ജോണ്‍ എന്നിവരെ സ്മരണിക നല്‍കി ആദരിച്ചു. പോയ കാലത്തിന്റെ നന്മകളും ഗൃഹാതുര സ്മരണകളും അധ്യാപകരും വിദ്യാര്‍ത്ഥികളും പങ്കുവെച്ചു. പഴയ ഗാനങ്ങള്‍ കോര്‍ത്തിണക്കി ഗീതം- സംഗീതം പരിപാടിയും അവതരിപ്പിച്ചു. 10-B അലോഷ്യന്‍സ് സെക്രട്ടറി വി മധുസൂദനന്‍ നായര്‍ ട്രഷറര്‍ രാജു തോമസ് വൈസ് പ്രസിഡണ്ട് കുഞ്ഞുമോന്‍ പി.ടി, എ. സി ജോര്‍ജ്, ജോണി ജോസഫ്, മുഹമ്മദ് ഇസ്മയില്‍ എന്നിവര്‍ പ്രസംഗിച്ചു.
.webp&description=പത്താം ക്ലാസ്- ബി ഡിവിഷനിലെ വിദ്യാര്‍ത്ഥികള്‍ ഒത്തു ചേര്‍ന്നു. ){kind=link}
0 Comments