ബൈക്ക് യാത്രക്കാരന് ദാരുണാന്ത്യം

നിയന്ത്രണം നഷ്ടമായ ബുള്ളറ്റ് റോഡരികിലെ മതിലില്‍ ഇടിച്ച് ബൈക്ക് യാത്രക്കാരന് ദാരുണാന്ത്യം. പള്ളം കെ.എസ്.ഇബി ചാര്‍ജിംങ് സ്റ്റേഷനു സമീപമാണ് നിയന്ത്രണം നഷ്ടമായ ബുള്ളറ്റ് മതിലില്‍ ഇടിച്ചു കയറിയത്.  ബൈക്ക് യാത്രക്കാരനായ തിരുവനന്തപുരം കിളിമാനൂര്‍ പുതിയകാവ് ഹസന്‍ മന്‍സിലില്‍ മുഹമ്മദ് അസ്ലം (52) ആണ് മരിച്ചത്. 

വ്യാഴാഴ്ച രാവിലെ പള്ളം കെ.എസ്.ഇ.ബി ഇലക്ട്രിക് വാഹനങ്ങളുടെ ചാര്‍ജിംങ് സ്റ്റേഷനു സമീപമായിരുന്നു അപകടം. ചിങ്ങവനം ഭാഗത്തേയ്ക്ക് വരികയായിരുന്ന ബുള്ളറ്റാണ് നിയന്ത്രണം വിട്ട് മതിലില്‍ ഇടിച്ചത്. ഇടിയുടെ ആഘാതത്തില്‍  റോഡില്‍ തലയിടിച്ചു വീണ ബൈക്ക് യാത്രികന്‍ തല്‍ക്ഷണം മരണമടഞ്ഞു. ചിങ്ങവനം സ്റ്റേഷനില്‍ നിന്നുള്ള പൊലീസ്  വാഹനം സ്ഥലത്ത് എത്തിയാണ് മൃതദേഹം മാറ്റിയത്.