മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി അയര്‍ക്കുന്നം ഗ്രാമപഞ്ചായത്തില്‍ ഹരിത കര്‍മ്മസേനയുടെ വാഹനത്തിന്റെ ഫ്‌ലാഗ് ഓഫും, ശുചീകരണവും, ബയോബിന്‍ വിതരണവും നടന്നു. ഗാന്ധിജയന്തി ദിനത്തില്‍ അയര്‍ക്കുന്നം ഗ്രാമപഞ്ചായത്ത് അങ്കണത്തില്‍ മഹാത്മാഗാന്ധിയുടെ ഫോട്ടോയ്ക്ക് മുന്നില്‍ പുഷ്പാര്‍ച്ചന നടത്തിയ ശേഷം നടന്ന ചടങ്ങില്‍ പഞ്ചായത്ത് പ്രസിഡന്റ് സീന ബിജു നാരായണന്‍ ഹരിത കര്‍മ്മസേന അംഗങ്ങള്‍ക്കുള്ള വാഹനത്തിന്റെ ഫ്‌ലാഗ് ഓഫും, ശുചീകരണ പ്രവര്‍ത്തനത്തിന്റെയും ബയോബിന്‍ വിതരണത്തിന്റെയും ഉദ്ഘാടനവും നിര്‍വഹിച്ചു. വൈസ് പ്രസിഡന്റ് ഷൈലജ റെജി അധ്യക്ഷത വഹിച്ചു. വികസന കാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ ജെയിന്‍ വര്‍ഗീസ് ഇരട്ടാനയില്‍, ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ജോയ്‌സി ജോസഫ് ആരോഗ്യ വിദ്യാഭ്യാസ സ്റ്റാന്‍ഡ് കമ്മിറ്റി ചെയര്‍മാന്‍ ജിജി നാകമറ്റം എന്നിവര്‍ പ്രസംഗിച്ചു. പഞ്ചായത്ത് പരിസരത്തും, അയര്‍ക്കുന്നം ബസ് സ്റ്റാന്‍ഡിലും ശുചീകരണ പ്രവര്‍ത്തനങ്ങള്‍ നടന്നു. പഞ്ചായത്ത് മെമ്പര്‍മാര്‍, ഹരിത കര്‍മ്മസേന അംഗങ്ങള്‍, തൊഴിലുറപ്പ് തൊഴിലാളികള്‍, പഞ്ചായത്ത് ജീവനക്കാര്‍ തുടങ്ങിയവര്‍ ശുചീകരണ പ്രവര്‍ത്തനങ്ങളില്‍ പങ്കെടുത്തു.
.jpg)
0 Comments