അപകടത്തില്‍ ഗുരുതരമായി പരിക്കേറ്റ യുവാവ് മരിച്ചു

പാമ്പാടിയില്‍ ബൈക്കുകള്‍ തമ്മില്‍ കൂടിയിടിച്ചുണ്ടായ അപകടത്തില്‍ ഗുരുതരമായി പരിക്കേറ്റ യുവാവ് മരിച്ചു. കെ.കെ റോഡില്‍ പാമ്പാടി ആര്‍.ഐ.ടിയ്ക്കു സമീപം സമ്മര്‍സാന്‍ഡ് ബാറിനു മുന്നിലാണ് ബുധനാഴ്ച രാത്രി 8.15 ഓടെ ബൈക്കുകള്‍ തമ്മില്‍ കൂട്ടിയിടിച്ചത്. അപകടത്തില്‍ ബൈക്ക് യാത്രക്കാരനായ കോത്തല സ്വദേശി അച്ചു അനിലാ(19)ണ് മരിച്ചത്. ഇയാള്‍ക്കൊപ്പം യാത്ര ചെയ്തിരുന്ന രഞ്ജിത്  ഗുരുതരമായ പറിക്കുകളോടെ മെഡിക്കല്‍ കോളജാശുപത്രിയില്‍ ചികിത്സയിലാണ്.

 അപകടത്തില്‍ പരിക്കേറ്റ നിഖില്‍, ജിജി എന്നിവരും കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുകയാണ്  അപകടം. പാമ്പാടി ഭാഗത്തു നിന്നും കോട്ടയം ഭാഗത്തേയ്ക്കു വരികയായിരുന്ന ബൈക്കും ഈ സമയം എതിര്‍ ദിശയില്‍  എത്തിയ ബൈക്കുമായാണ് കൂട്ടയിടിച്ചത്. ഇടിയുടെ ആഘാതത്തില്‍ യുവാക്കള്‍ റോഡില്‍ തെറിച്ചു വീണു. നാട്ടുകാര്‍ ചേര്‍ന്നാണ് പരിക്കേറ്റവരെ ആശുപത്രിയില്‍ പ്രവേശിപ്പിച്ചത്. അപകടത്തെ തുടര്‍ന്ന് കെ.കെ റോഡില്‍ ഗതാഗത തടസവും ഉണ്ടായി. അപകടത്തില്‍ പരിക്കേറ്റ അച്ചു മെഡിക്കല്‍ കോളേജ് ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്. പാമ്പാടി പൊലീസ് കേസെടുത്തു.