കോട്ടയം ജില്ല വടംവലി ചാപ്യന്‍ഷിപ്പ് ഉഴവൂരില്‍ നടന്നു. കേരള സ്റ്റേറ്റ് ടഗ് ഓഫ് വാര്‍ അസോസിയേഷന്റെ ആഭിമുഖ്യത്തില്‍ ഉഴവൂര്‍ സെന്റ് സ്റ്റീഫന്‍ കോളേജ് ഗ്രൗണ്ടിലാണ് ജില്ലാ വടം വലി ചാമ്പ്യന്‍ഷിപ്പ് നടന്നത്. കോട്ടയം ജില്ല സ്‌പോര്‍ട്‌സ് കൗണ്‍സില്‍ എക്‌സിക്യൂട്ടീവ് മെമ്പര്‍ സാബു മുരിക്കവേലി ഉദ്ഘാടനം നിര്‍വഹിച്ചു. സംസ്ഥാന വടംവലി അസോസിയഷന്‍ സെക്രട്ടറി ഷാന്‍ മുഹമ്മദ് അധ്യക്ഷനായിരുന്നു. കോട്ടയം ജില്ല സ്‌പോര്‍ട്‌സ് കൗണ്‍സില്‍ സെക്രട്ടറി മായാദേവി മുഖ്യാതിഥിയായി .
ജില്ലയുടെ വിവിധ ഭാഗങ്ങളില്‍ നിന്നായി 50 ഓളം ടീമുകള്‍ പങ്കെടുത്തു. സമ്മാനദാനം കോളേജ് പ്രിന്‍സിപ്പല്‍ ഡോക്ടര്‍ സിന്‍സി, ഹെഡ്മാസ്റ്റര്‍ ഷാജു ജോസഫ് എന്നിവര്‍ നിര്‍വഹിച്ചു. 13 വയസ്സ് ആണ്‍കുട്ടികള്‍ എസ് കെ എം എച്ച് എസ് കുമരകം, 13 വയസ്സ് പെണ്‍കുട്ടികള്‍ റോയല്‍ ക്ലബ്ബ് അരീക്കര, 15 വയസ്സ് ആണ്‍കുട്ടികളുടെ വിഭാഗത്തില്‍ യുണൈറ്റഡ് ക്ലബ് പുതുവേലി, പെണ്‍കുട്ടികളുടെ വിഭാഗത്തില്‍ സഹൃദയ ക്ലബ്ബ് പയസ് മൗണ്ട്, 17 വയസ്സ് ആണ്‍കുട്ടികളില്‍ സിറ്റിസണ്‍ ക്ലബ്ബ് ഏറ്റുമാനൂര്‍, പെണ്‍കുട്ടികളില്‍ ഒഎല്‍എല്‍ സ്‌പോര്‍ട്‌സ് ക്ലബ്ബ് ഉഴവൂര്‍, 17 വയസ്സ് മിക്‌സഡ് കാറ്റഗറി ഒഎല്‍എല്‍ എച്ച്എസ് ഉഴവൂര്‍, 19 വയസ്സ് ആണ്‍കുട്ടികളുടെ വിഭാഗത്തില്‍ എസ്‌കെഎം എച്ച്എസ് കുമരകം , 19 വയസ്സ് പെണ്‍കുട്ടികളുടെ മത്സരത്തില്‍ ന്യൂ കരുണ ക്ലബ്ബ് പുല്‍പ്പാറ,
സീനിയര്‍ മെന്‍ 600 കിലോഗ്രാം ക്രോസ് റോഡ് പാമ്പാടി, സീനിയര്‍ മെന്‍ 640 കിലോഗ്രാം ജെസിഐ ഉഴവൂര്‍, സീനിയര്‍ വിമന്‍ കാറ്റഗറി അല്‍ഫോന്‍സാ കോളേജ് പാലാ എന്നീ ടീമുകള്‍ ഒന്നാം സ്ഥാനം നേടി.
.jpg)
0 Comments