.അകലക്കുന്നം പഞ്ചായത്തില്‍-കുട്ടികളില്‍ കായിക അഭിരുചി വളര്‍ത്തുന്നതിനും കായിക രംഗത്തെ മുന്നേറ്റത്തിനുമായി നടപ്പിലാക്കുന്ന കായികപരിശീലന പദ്ധതിയ്ക്ക് തുടക്കം. കായിക പരിശീലനത്തിന്റെ ഉദ്ഘാടനം കാഞ്ഞിരമറ്റം ലിറ്റില്‍ ഫ്ളവര്‍ ഹൈസ്‌ക്കൂളില്‍ ജില്ലാ അഡീഷണല്‍ പോലീസ് സൂപ്രണ്ട് വിനോദ് പിള്ള നിര്‍വഹിച്ചു. അകലക്കുന്നം പഞ്ചായത്ത് പ്രസിഡന്റ് സിന്ധു അനില്‍കുമാര്‍ അധ്യക്ഷയായിരുന്നു.
കാഞ്ഞിരപ്പള്ളി ഡി വൈ എസ് പി അനില്‍കുമാര്‍ എം മുഖ്യപ്രഭാഷണം നടത്തി. പഞ്ചായത്ത് വൈസ് പ്രസിഡന്റ് മാത്തുക്കുട്ടി ഞായര്‍കുളം ,സ്‌കൂള്‍ ഹെഡ്മാസ്റ്റര്‍ റെജി സെബാസ്റ്റ്യന്‍ കാഞ്ഞിരമറ്റം ലിറ്റില്‍ ഫ്ളവര്‍ സ്‌കൂള്‍ മാനേജര്‍ റവ.ഫാദര്‍ ജോസഫ് മണ്ണനാല്‍, കൃഷി ഓഫീസര്‍ ഡോ.രേവതി ചന്ദ്രന്‍,പഞ്ചായത്ത് സെക്രട്ടറി സജിത് മാത്യൂസ്, കെ കെ രഘു,ജീനാ ജോയി തുടങ്ങിയവര്‍ സംസാരിച്ചു . വ്യത്യസ്തമേഖലകളില്‍ കായിക രംഗത്ത് സേവനം ചെയ്ത് വിരമിച്ചവരെ പങ്കെടുപ്പിച്ചുകൊണ്ട് എല്ലാ സ്‌ക്കൂളുകളിലും അവരുടെ സേവനം ലഭ്യമാക്കിക്കൊണ്ടാണ് പദ്ധതി നടപ്പിലാക്കുന്നത്.
.webp)
.jpg)
.webp&description=കായികപരിശീലന പദ്ധതിയ്ക്ക് തുടക്കം.){kind=link}
0 Comments