അരീക്കര സെന്റ് റോക്കീസ് ഇടവക ദേവാലയത്തിലെ ശതോത്തര രജത ജൂബിലി ആഘോഷങ്ങളുടെ ഭാഗമായി 125 ഫലവൃക്ഷത്തൈകള്‍ വിദ്യാര്‍ത്ഥികള്‍ക്ക് വിതരണം ചെയ്തു. ഇടവക വികാരി ഫാദര്‍ സ്റ്റാനി ഇടത്തിപറമ്പില്‍ വിദ്യാര്‍ത്ഥി പ്രതിനിധി ജോയല്‍ ജിബിക്ക് തേന്‍വരിക്ക പ്ലാവിന്റെ തൈ നല്‍കിക്കൊണ്ട് ഉദ്ഘാടനം നിര്‍വഹിച്ചു.
വിദ്യാര്‍ത്ഥികള്‍ക്ക് നല്‍കിയ ഫലവൃക്ഷത്തൈകളില്‍, പേര, സപ്പോര്‍ട്ട, പപ്പായ, മള്‍ബറി, മുള്ളാത്ത, ബറാബ, വിവിധയിനം വാഴ വിത്തുകള്‍, എന്നിവയും ഉള്‍പ്പെടുന്നു. ജൂബിലി ആഘോഷ എക്‌സിക്യൂട്ടീവ് കമ്മിറ്റി വൈസ് ചെയര്‍മാന്‍ ഫാദര്‍ വിന്‍സെന്റ് പുളിവേലില്‍, സ്റ്റിമി വില്‍സണ്‍, ആഘോഷ കമ്മിറ്റി കണ്‍വീനര്‍മാര്‍, കമ്മിറ്റി അംഗങ്ങള്‍, സണ്‍ഡേ സ്‌കൂള്‍ പ്രിന്‍സിപ്പാള്‍ ജോസ് പാണ്ടിയാംകുന്നേല്‍, മതാധ്യാപകര്‍, മാതാപിതാക്കള്‍, വിദ്യാര്‍ത്ഥി പ്രതിനിധികള്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
.webp)
0 Comments