കോട്ടയം നഗര മധ്യത്തില്‍ വന്‍ തീ പിടുത്തം

കോട്ടയം നഗര മധ്യത്തില്‍ വന്‍ തീ പിടുത്തം. ലോഗോസ് ജംഗ്ഷനിലെ വിജയപുരം രൂപത ബിഷപ്‌സ് ഹൗസിനും നല്ലയിടയന്‍ ദേവാലത്തിനും  സമീപത്തെ തടി വര്‍ക് ഷോപ്പിലാണ്  രാത്രി 9 മണിയോടെ തീപിടുത്തം ഉണ്ടായത്. പള്ളിയുടെ നിര്‍മ്മാണ പ്രവര്‍ത്തനങ്ങള്‍ക്കായി ജനല്‍, കട്ടിള തുടങ്ങിയ  തടി ഉരുപ്പടികള്‍ സൂക്ഷിച്ചിരുന്ന ഷെഡിലായിരുന്നു തീപിടുത്തം. സമീപത്തെ വിറകുപുരയിലേക്കും തീ പടര്‍ന്നു. 

ബിഷപ്‌സ് ഹൗസ് ജീവനക്കാര്‍ അറിയിച്ചതിനെ തുടര്‍ന്ന് ഫയര്‍ഫോഴ്സ് സംഘം ഉടന്‍ എത്തിയെങ്കിലും തീപിടുത്തം ഉണ്ടായ ഭാഗത്തേക്കുള്ള ഇടുങ്ങിയ വഴിയിലൂടെ വഹാനം എത്തിക്കാന്‍ സാധിച്ചില്ല. തുടര്‍ന്ന് നീളമുള്ള ഹോസ് ഉപയോഗിച്ച് ഏറെ പണിപ്പെട്ടാണ്  തീ അണയ്ക്കാന്‍  ഫയര്‍ഫോഴസിന് കഴിഞ്ഞത്. ഈ സമയത്തിനുള്ളില്‍ സാമഗ്രികള്‍ പൂര്‍ണമായും കത്തിനശിച്ചിരുന്നു.