കോട്ടയം മണിപ്പുഴയില്‍ അമിത വേഗത്തില്‍ എത്തിയ കാര്‍ ഓട്ടോയും സ്‌കൂട്ടറും ഇടിച്ചു തെറിപ്പിച്ചു. എം.സി റോഡില്‍ ചൊവ്വാഴ്ച വൈകുന്നേരം ആറുമണിയോടെ ആയിരുന്നു അപകടം ഉണ്ടായത്. അമിത വേഗത്തില്‍ ദിശ തെറ്റിച്ചു കയറിവന്ന കാര്‍ റോഡിന്റെ സൈഡില്‍ നിര്‍ത്തിയിട്ടിരുന്ന ഓട്ടോയിലും സ്‌കൂട്ടറിലും ഇടിക്കുകയായിരുന്നു. കാറില്‍ നിന്നും മദ്യക്കുപ്പി കണ്ടുകിട്ടി. കാര്‍ ഓടിച്ചിരുന്ന വ്യക്തി മദ്യപിച്ചിരുന്നു എന്നാണ് നാട്ടുകാര്‍ ആരോപിക്കുന്നത്.ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണ്ണമായും തകര്‍ന്നു. അപകടമുണ്ടാകുന്ന സമയത്ത് ഓട്ടോയിലും സ്‌കൂട്ടറിലും ആളുകള്‍ ഉണ്ടാവാതിരുന്നത് വലിയ അപകടം ഒഴിവായി. കാര്‍ യാത്രക്കാരായ മൂന്നു പേരെ നിസ്സാര പരിക്കുകളോടെ ആശുപത്രിയില്‍ പ്രവേശിപ്പിച്ചു. ചിങ്ങവനം പോലീസ് സ്ഥലത്ത് എത്തി മേല്‍ നടപടികള്‍ സ്വീകരിച്ചു.
.jpg)
0 Comments