കേരള ശ്രീശിവശക്തി മേളാസ്വാദക സംഘം ഏര്‍പ്പെടുത്തിയ മേളജ്ജ്വാലശ്രീ പുരസ്‌കാരം പ്രശസ്ത മേളവിദഗ്ധന്‍ ബാലാജി ശ്രീകുമാര്‍ വാര്യര്‍ക്ക് മള്ളിയൂര്‍ ദിവാകരന്‍ നമ്പൂതിരി സമ്മാനിച്ചു. കല ഈശ്വരാംശവും കലാകാരന്മാര്‍ നാടിന്റെ സമ്പത്തുമാണെന്ന് മള്ളിയൂര്‍ ദിവാകരന്‍ നമ്പൂതിരി അഭിപ്രായപ്പെട്ടു. പള്ളിയാമ്പുറം മഹാദേവ ക്ഷേത്രത്തിലെത്തിയ മള്ളിയൂര്‍ ദിവാകരന്‍ നമ്പൂതിരിയെ ക്ഷേത്ര മേല്‍ശാന്തി മുരളി നമ്പൂതിരി പൂര്‍ണ കുംഭം നല്‍കി സ്വീകരിച്ചു.
സമ്മേളനം ഗുരുവായൂര്‍ ദേവസ്വം ബോര്‍ഡ് അംഗം മനോജ് ബി. നായര്‍ ഉദ്ഘാടനം ചെയ്തു. പള്ളിയാമ്പുറം ദേവസ്വം സെക്രട്ടറി പി. രാധാകൃഷ്ണന്‍ അധ്യക്ഷത വഹിച്ചു. രാധാകൃഷ്ണ മാരാര്‍, കലാപീഠം രതീഷ് മാരാര്‍ എന്നിവര്‍ ഉപഹാരങ്ങള്‍ സമ്മാനിച്ചു. ഉണ്ണികൃഷ്ണന്‍ നായര്‍, ഡി.കെ. സുനില്‍കുമാര്‍, കലാപീഠം സുനില്‍ മാരാര്‍, രാമപുരം സൂര്യനാരായണന്‍, ഇ.കെ. ശശി, തൊടുപുഴ രതീഷ് മാരാര്‍, എം.സി. രാധാകൃഷ്ണന്‍ തുടങ്ങിയവര്‍ പ്രസംഗിച്ചു
.jpg)
0 Comments