പ്രൊഫ.സിസിലിയാമ്മ ഔസേപ്പറമ്പില്‍ മെമ്മോറിയല്‍ ട്രസ്റ്റിന്റെയും വേള്‍ഡ് മലയാളി കൗണ്‍സില്‍ പാലാ ചാപ്റ്ററിന്റെയും നേതൃത്വത്തില്‍ ഓള്‍ കേരള മിനി മാരത്തണ്‍ മത്സരം പാലായില്‍ നടന്നു . പാലാ മുനിസിപ്പല്‍ സ്റ്റേഡിയത്തില്‍ നിന്നും ആരംഭിച്ച മാരത്തണ്‍ നഗരസഭാ ചെയര്‍മാന്‍ ഷാജു തുരുത്തന്‍ ഫ്‌ലാഗ് ഓഫ് ചെയ്തു. അല്‍ഫോന്‍സാ കോളജിനു മുന്‍വശം വരെയെത്തി തിരികെ മുനിസിപ്പല്‍ കോംപ്ലക്‌സിനു മുന്നില്‍ മിനി മാരത്തണ്‍ സമാപിച്ചു. പുരുഷ വിഭാഗത്തില്‍ തൃശൂര്‍ സ്വദേശി ബാബു ജോസഫും വനിതാ വിഭാഗത്തില്‍ ചാലക്കുടിയില്‍ നിന്നുള്ള ലൗലി ജോസഫും ജേതാക്കളായി. സമാപന സമ്മേളനം വേള്‍ഡ് മലയാളി കൗണ്‍സില്‍ ഗ്ലോബല്‍ വൈസ് പ്രസിഡന്റ് ഡോ.നടക്കല്‍ ശശി ഉദ്ഘാടനം ചെയ്തു.
പാലാ ഡിവൈഎസ്പി കെ. സദന്‍ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. വേള്‍ഡ് മലയാളി കൗണ്‍സില്‍ പാലാ ചാപ്റ്റര്‍ ചെയര്‍മാന്‍ അഡ്വ.സന്തോഷ് മണര്‍കാട് അധ്യക്ഷത വഹിച്ചു. തിരുക്കൊച്ചി പ്രോവിന്‍സ് പ്രസിഡന്റ് വി. എം.അബ്ദുള്ള ഖാന്‍, സിസിലിയാമ്മ മെമ്മോറിയല്‍ മാനേജിംഗ് ട്രസ്റ്റി പ്രഫ.ഫിലോമിന ജോസഫ്, സെക്രട്ടറി ബെന്നി മൈലാടൂര്‍, കൗണ്‍സിലര്‍ ബൈജു കൊല്ലംപറമ്പില്‍, ലാലിച്ചന്‍ ജോര്‍ജ്, സതീഷ് മണര്‍കാട്, ലീലാമ്മ മാത്യു, വിജി രവി, ജോണി പ്ലാത്തോട്ടം, തോമാച്ചന്‍ തോപ്പില്‍,പ്രശാന്ത് വള്ളിച്ചിറ, അഗസ്റ്റിന്‍ വാഴക്കാമല, അഡ്വ.അഭിജിത്, ഷാജി പന്തംപ്ലാക്കല്‍, ബാബു കലയന്താനി, നിധിന്‍ സി വടക്കന്‍, ജോബ് അഞ്ചേരി എന്നിവര്‍പ്രസംഗിച്ചു.
0 Comments