അസോസിയേഷന്‍ ഓഫ് സ്‌കൂള്‍സ് ഫോര്‍ ഇന്ത്യന്‍ സ്‌കൂള്‍ സര്‍ട്ടിഫിക്കറ്റ് കേരള റീജിയണല്‍ സ്‌കൂള്‍ കലോത്സവം രംഗോത്സവ് 2024 നവംബര്‍ 8,9 തീയതികളില്‍ മാന്നാനം കെ ഇ ഇംഗ്ലീഷ് മീഡിയം സ്‌കൂളില്‍ നടക്കുമെന്ന് ASISC കേരള റീജിയണല്‍ സെക്രട്ടറി ഫാദര്‍ ജെയിംസ് മുല്ലശ്ശേരി വാര്‍ത്ത സമ്മേളനത്തില്‍ അറിയിച്ചു. കരളത്തിലെ നൂറോളം സ്‌കൂളുകളില്‍ നിന്നായി രണ്ടായിരത്തിലധികം വിദ്യാര്‍ത്ഥികളാണ് കലോത്സവത്തില്‍ മാറ്റുരയ്ക്കുന്നത്. 48 ഇനങ്ങളിലാണ് മത്സരങ്ങള്‍ നടക്കുന്നത്.
വെള്ളിയാഴ്ച വൈകുന്നേരം 5ന് ASISC റീജിയണല്‍ പ്രസിഡന്റ് റവ ഡോ. സില്‍വി ആന്റണിയുടെ അധ്യക്ഷതയില്‍ ചേരുന്ന സമ്മേളനത്തില്‍ അഡ്വക്കേറ്റ് മോന്‍സ് ജോസഫ് എംഎല്‍എ രംഗോത്സവ് 2024 ഉദ്ഘാടനം ചെയ്യും. ടെലിവിഷന്‍ താരം ഡോക്ടര്‍ ജയന്തി ഷാജി മുഖ്യാതിഥിയായിരിക്കും. ഒമ്പതാം തീയതി നടക്കുന്ന സമാപന സമ്മേളനത്തില്‍ റിയാലിറ്റി ഷോയില്‍ അന്ന റോസ് ആന്റണി വിശിഷ്ടാതിഥിയായി പങ്കെടുക്കും. മത്സരങ്ങള്‍ക്കുള്ള ഒരുക്കങ്ങള്‍ പൂര്‍ത്തിയായതായിസംഘാടകര്‍ അറിയിച്ചു. വാര്‍ത്താസമ്മേളനത്തില്‍ ഫാദര്‍ ഡോ ജെയിംസ് മുല്ലശ്ശേരി, DR. സെല്‍വി ആന്റണി തുടങ്ങിയവര്‍ പങ്കെടുത്തു.
0 Comments