പാലാ ഏറ്റുമാനൂര്‍ ബൈപ്പാസ് റോഡില്‍ സംശയാസ്പദമായ സാഹചര്യത്തില്‍ കാണപ്പെട്ട യുവാവ് എക്‌സൈസ് സംഘം ചോദ്യം ചെയ്യുന്നതിനിടെ ഓടിരക്ഷപെടാന്‍ ശ്രമിച്ചു. ഇയാളെ സാഹസികമായി പിടികൂടി 7.5 ഗ്രാം methamphitamine അടങ്ങിയ പ്ലാസ്റ്റിക് പാക്കറ്റാണ് ഇയാളില്‍ നിന്ന് ലഭിച്ചത്. ഇതുമായി ബന്ധപ്പെട്ട് രാമപുരം പൈക്കാട്ട് വീട്ടില്‍ ക്രിസ്റ്റിന്‍ എന്ന 22 കാരനെതിരെയും പാലാ എക്‌സൈസ് കേസ്സ് രജിസ്റ്റര്‍ ചെയ്തിട്ടുണ്ട്. മറ്റൊരു റെയ്ഡില്‍ മോഷണമടക്കമുള്ള ക്രിമിനല്‍ കേസുകളില്‍ പ്രതിയായ രാമപുരം പുലിയനാട്ട് വീട്ടില്‍ അലക്‌സ് ജോയ് എന്ന 24 കാരനെയും കഞ്ചാവുമായി പിടികൂടി. റെയിഡില്‍ എക്‌സൈസ് ഇന്‍സ്‌പെക്ടര്‍ ബി ദിനേശ്, പ്രിവന്റീവ് ഓഫീസര്‍മാരായ രതീഷ് കുമാര്‍, തന്‍സീര്‍, അഖില്‍ പവിത്രന്‍, സിവില്‍ എക്‌സൈസ് ഓഫീസര്‍ ജയദേവന്‍ ആര്‍, വനിത സിവില്‍ എക്‌സൈസ് ഓഫീസര്‍ പ്രിയ കെ ടി,എക്‌സൈസ് ഡ്രൈവര്‍ സുരേഷ് ബാബു എന്നിവര്‍പങ്കെടുത്തു.
0 Comments