ശബരിമലയില്‍ 41 ദിവസം നീണ്ടുനിന്ന മണ്ഡല മഹോത്സവക്കാലത്ത് സന്നിധാനം സര്‍ക്കാര്‍ ആയുര്‍വേദ ആശുപത്രിയില്‍ നാല്‍പ്പത്തിയേഴായിരത്തോളം പേര്‍ക്ക് ചികിത്സ ലഭ്യമാക്കാന്‍ സാധിച്ചതായി മെഡിക്കല്‍ ഓഫീസര്‍ ഡോ മനേഷ് കുമാര്‍ അറിയിച്ചു. മല കയറി വരുന്ന അയ്യപ്പന്മാര്‍ പേശി വലിവ്, പനി, ചുമ, കഫക്കെട്ട് തുടങ്ങിയ പ്രശ്‌നങ്ങളുമായാണ് ആയുര്‍വേദ ആശുപത്രിയിലെത്തുന്നത്.
പേശിവലിവുമായി എത്തുന്നവര്‍ക്ക് അഭ്യംഗമുള്‍പ്പെടെ പലവിധ ആയുര്‍വേദ ചികിത്സകള്‍ ഇവിടെ ചെയ്തുവരുന്നുണ്ട്. കഫക്കെട്ടുള്ളവര്‍ക്ക് സ്റ്റീമിങ്, നസ്യം തുടങ്ങിയ ചികിത്സകളാണ് നല്‍കുന്നത്. പൂര്‍ണ്ണമായും ഗ്രീന്‍ പ്രോട്ടോക്കോള്‍ പാലിച്ചുകൊണ്ടുള്ള മരുന്ന് വിതരണമാണ് ആശുപത്രി പിന്‍തുടരുന്നതെന്നും പ്ലാസ്റ്റിക് പൂര്‍ണ്ണമായും ഒഴിവാക്കിയിട്ടുണ്ടെന്നും ഡോ മനേഷ് കുമാര്‍ പറഞ്ഞു. ഐ.എസ്.എം ഡിപ്പാര്‍ട്ട്‌മെന്റില്‍ നിന്നും നാഷണല്‍ ആയുഷ് മിഷനില്‍ നിന്നും കൂടുതല്‍ ജീവനക്കാര്‍ വരും ദിനങ്ങളില്‍ സന്നിധാനത്ത് എത്തിച്ചേരും.
.webp)
0 Comments