കേന്ദ്ര-സംസ്ഥാന സര്‍ക്കാരുകള്‍ റബര്‍ കര്‍ഷകരോടു കാണിക്കുന്ന വഞ്ചനയില്‍ പ്രതിഷേധിച്ച് കേരളാ കോണ്‍ഗ്രസ് കോട്ടയം ജില്ല കമ്മിറ്റിയുടെ നേതൃത്വത്തില്‍ റബ്ബര്‍ കര്‍ഷകര്‍ വഞ്ചനാദിനം ആചരിച്ചു. രാമപുരം ജംഗ്ഷനില്‍ നടന്ന വഞ്ചന ദിനാചരണം കേരള കോണ്‍ഗ്രസ് പാര്‍ട്ടി സംസ്ഥാന എക്‌സിക്യൂട്ടീവ് ചെയര്‍മാന്‍ അഡ്വ. മോന്‍സ് ജോസഫ് എംഎല്‍എ ഉദ്ഘാടനം ചെയ്തു. കേന്ദ്രസര്‍ക്കാര്‍ റബര്‍ കര്‍ഷകര്‍ക്ക് ഇന്‍സെന്റീവ് നല്‍കാതെയും സംസ്ഥാന സര്‍ക്കാര്‍ റബര്‍ വില സ്ഥിരത ഫണ്ട് ഉയര്‍ത്താതെയും റബര്‍ കര്‍ഷകരെ വഞ്ചിക്കുകയാണെന്ന് അദ്ദേഹം പറഞ്ഞു. കേന്ദ്രസര്‍ക്കാര്‍ റബ്ബര്‍ ഇറക്കുമതി ചുങ്കത്തില്‍ നിന്നും ലഭിക്കുന്ന പണം റബര്‍ കര്‍ഷകര്‍ക്ക് റബ്ബര്‍ ബോര്‍ഡ് വഴി വിതരണം ചെയ്യണമെന്നും ഇടതുമുന്നണി കഴിഞ്ഞ തിരഞ്ഞെടുപ്പ് കാലത്ത് റബര്‍ കര്‍ഷകര്‍ക്ക് 250 രൂപയ്ക്ക് റബര്‍ സംഭരിക്കുമെന്ന് നല്‍കിയ വാഗ്ദാനം പാലിക്കണമെന്നും അദ്ദേഹം ആവശ്യപ്പെട്ടു.
.webp)
0 Comments