ശബരിമല സന്നിധാനത്ത് മകരവിളക്ക് മഹോത്സവത്തിന് മുന്നോടിയായി ആഴി ശുചീകരിച്ചു. മണ്ഡലകാല ഉത്സവം കഴിഞ്ഞ് ശബരിമല ക്ഷേത്രനടയടച്ചതിന് ശേഷമാണ് പതിനെട്ടാം പടിക്ക് താഴെയുള്ള ആഴി ശുചീകരണം നടത്തിയത്.
ശബരിമലയില്‍ തീര്‍ത്ഥാടനത്തിനെത്തുന്ന ഭക്തര്‍ ഇരുമുടിക്കെട്ടില്‍ കൊണ്ടുവരുന്ന നെയ്‌തേങ്ങയിലെ നെയ്യ് ശബരീശന് സമര്‍പ്പിക്കുകയും ബാക്കി വരുന്ന നാളികേരം ആഴിയിലെ അഗ്‌നിയില്‍ സമര്‍പ്പിക്കുകയുമാണ് ചെയ്യുന്നത്. മഹാ ആഴിയില്‍ നിന്നും ആകാശത്തേക്ക് ഉയരുന്ന അഗ്‌നിനാളങ്ങളുടെ ചൈതന്യമുള്‍ക്കൊണ്ടാണ് ഭക്തര്‍ ഇടമുറിയാതെ നാളികേരം സമര്‍പ്പിക്കുന്നത്. മകരവിളക്ക് മഹോത്സവത്തിന് ഡിസംബര്‍ 30ന് വൈകിട്ട് നട തുറന്നശേഷം ആഴിയില്‍ അഗ്‌നിതെളിയിക്കും.
.webp)
0 Comments