കോണ്‍ഫെഡറേഷന്‍ ഓഫ് റസിഡന്റസ് വെല്‍ഫെയര്‍ അസോസിയേഷന്‍ (കോര്‍വ്വ) കോട്ടയം ജില്ലാ കമ്മിറ്റിയുടെ ആഭിമുഖ്യത്തില്‍ പുതുവത്സര സൗഹൃദ കൂട്ടായ്മ സംഘടിപ്പിച്ചു. ഏറ്റുമാനൂര്‍ പ്രസ് ക്ലബ്ബ് ഓഡിറ്റോറിയത്തില്‍ നടന്ന കൂട്ടായ്മ ഏറ്റുമാനൂര്‍ നഗരസഭ അധ്യക്ഷ ലൗലി ജോര്‍ജ് ഉദ്ഘാടനം ചെയ്തു. കോര്‍വ്വ ജില്ലാ പ്രസിഡന്റ് ഒ.ആര്‍ ശ്രീകുമാര്‍ അധ്യക്ഷനായിരുന്നു. ഏറ്റുമാനൂര്‍ പോലീസ് സ്റ്റേഷന്‍ SHO എ.എസ് അന്‍സല്‍ മുഖ്യപ്രഭാഷണം നടത്തി.
.
.കുട്ടികളിലും യുവാക്കളിലും ലഹരിയുടെ ഉപയോഗം വര്‍ധിച്ചു വരുന്നത് റസിഡന്റ് അസോസിയേഷനുകള്‍ പ്രത്യേക ശ്രദ്ധ പതിപ്പിക്കണമെന്ന് SHO പറഞ്ഞു. വൃദ്ധമനിരങ്ങള്‍ വര്‍ധിച്ചു വരുന്നതിനിടയാക്കുന്ന സാഹചര്യങ്ങളും സമൂഹത്തിന്റ പ്രത്യേക ശ്രദ്ധ ആവശ്യപ്പടുകയാണെന്നും അദ്ദേഹം പറഞ്ഞു. മുന്‍സിപ്പല്‍ കൗണ്‍സിലര്‍ രശ്മി ശ്യാം സമ്മാനദാനം നിര്‍വഹിച്ചു. 2024 ല്‍ വിശിഷ്ട സേവനത്തിനുള്ള മുഖ്യമന്ത്രിയുടെ പോലീസ് മെഡല്‍ നേടിയ ഏറ്റുമാനൂര്‍ എസ്.എച്ച്.ഒ എ.എസ് അന്‍സലിനെയും, സാഹിത്യകാരന്‍ ഏറ്റുമാനൂര്‍ പുന്നത്തുറ സ്വദേശി ടി.എ മണി തൃക്കോതമംഗലം എന്നിവരെ കൂട്ടായ്മയില്‍ ആദരിച്ചു. കോര്‍വ്വ ജില്ലാ ജനറല്‍ സെക്രട്ടറി പി ചന്ദ്രകുമാര്‍ സ്വാഗതം പറഞ്ഞു. ജില്ലാ വര്‍ക്കിംഗ് പ്രസിഡണ്ട് സാലി അനൂപ്,ജില്ലാ സെക്രട്ടറിമാരായ കെ.ആര്‍ ഉണ്ണികൃഷ്ണന്‍, ജി.ജി സന്തോഷ് കുമാര്‍, വൈസ് പ്രസിഡന്റുമാരായ സജിത്ത് ബാബു, സന്തോഷ് വിക്രമന്‍, എന്‍ ശ്രീനിവാസന്‍, ജില്ല ഓര്‍ഗനൈസിംഗ് സെക്രട്ടറി ബിജോ കൃഷ്ണന്‍, വനിത വിഭാഗം സെക്രട്ടറിമാരായ സുജ എസ് നായര്‍, ത്രേസ്യാമ്മ ജോണ്‍, എന്നിവര്‍ സംസാരിച്ചു. കൂട്ടായ്മയോടനുബന്ധിച്ച് യു.പി വിദ്യാര്‍ത്ഥികള്‍ക്ക് വേണ്ടി ക്വിസ് മത്സരം സംഘടിപ്പിച്ചു. അസോസിയേഷന്‍ അംഗങ്ങളുടെ കലാപരിപാടികളും, അസോസിയേഷന്‍ സെക്രട്ടറി കെ.സി ഉണ്ണികൃഷ്ണന്‍ നയിച്ച ധ്വനി മ്യൂസിക്കിന്റെ കരോക്കെ ഗാനമേളയും, സ്‌നേഹവിരുന്നും നടന്നു.
.webp)
0 Comments