കാഞ്ഞിരപ്പള്ളി സെന്റ് ഡൊമിനിക് ഹയര്‍ സെക്കണ്ടറി സ്‌കൂള്‍ എന്‍ എസ് എസ്, സ്‌കൗട്ട് ആന്‍ഡ് ഗൈഡ് യൂണിറ്റുകളുടെ നേതൃത്വത്തില്‍ രക്ത ദാന ക്യാമ്പ് സംഘടിപ്പിച്ചു . കൊഴുവനാല്‍ ലയണ്‍സ് ക്ലബ്ബിന്റെയും പാലാ ബ്ലഡ് ഫോറത്തിന്റെയും സഹകരണത്തോടെ നടത്തിയ സന്നദ്ധ രക്തദാന ക്യാമ്പ് സര്‍ക്കാര്‍ ചീഫ് വിപ് ഡോ N ജയരാജ് ഉദ്ഘാടനം ചെയ്തു. രക്തദാനത്തിന്റെ പ്രാധാന്യം മനസ്സിലാക്കി കൂടുതല്‍ യുവാക്കള്‍ ഈ മേഖലയിലെക്ക് കടന്നുവരണമെന്ന് ഡോ N ജയരാജ് പറഞ്ഞു.
സ്‌കൂള്‍ മാനേജര്‍ റവ.ഫാ. വര്‍ഗീസ് പരിന്തിരിക്കല്‍ അദ്ധ്യക്ഷത വഹിച്ച സമ്മേളനത്തില്‍ പാലാ ബ്ലഡ് ഫോറം ജനറല്‍ കണ്‍വീനര്‍ ഷിബു തെക്കേമറ്റം രക്തദാന സന്ദേശം നല്‍കി. പ്രിന്‍സിപ്പല്‍ മേഴ്‌സി ജോണ്‍, പിറ്റിഎ പ്രസിഡന്റ് തോമസ് പി.ജെ , ഹെഡ്മാസ്റ്റര്‍ പി.ജെ തോമസ്, കൊഴുവനാല്‍ ലയണ്‍സ് ക്ലബ്ബ് പ്രസിഡന്റ് ഡൈനോ ജയിംസ്, എന്‍എസ്എസ് പ്രോഗ്രാം ഓഫീസര്‍ ജോബി സെബാസ്റ്റ്യന്‍, സ്‌കൗട്ട് മാസ്റ്റര്‍ ജെന്നിസ് അബ്രാഹം, സിസ്റ്റര്‍ ആഗ്‌നസ് എഫ്‌സിസി, മാസ്റ്റര്‍ അധിപ് സുനു , കുമാരി അമല ജോഷി എന്നിവര്‍ ആശംസകള്‍ അര്‍പ്പിച്ചു. ക്യാമ്പില്‍ അറുപതോളം പേര്‍ രക്തം ദാനം ചെയ്തു. പാലാ മരിയന്‍ മെഡിക്കല്‍ സെന്റര്‍ ബ്ലഡ് ബാങ്ക് ആണ് ക്യാമ്പ് നയിച്ചത്.
.webp)
0 Comments