പാലാ സെന്റ് തോമസ് കോളേജിന്റെ പ്ലാറ്റിനം ജൂബിലി ആഘോഷങ്ങളോടനുബന്ധിച്ച് സംഘടിപ്പിച്ച അഖില കേരള സൈക്കിള്‍ പ്രയാണത്തിന് സമാപനം. രണ്ടാഴ്ചക്കാലം നീണ്ട സൈക്കിള്‍ യാത്രയ്ക്കു ശേഷം തിരികെയെത്തിയ സംഘത്തിന് കോളജ് അങ്കണത്തില്‍ ഗംഭീരമായ വരവേല്‍പ്പ് നല്‍കി.
പന്ത്രണ്ട് ദിവസം കൊണ്ട 14 ജില്ലകളിലൂടയും കടന്ന് 1200 കിലോമീറ്ററിലധികം സഞ്ചരിച്ച് പരിസ്ഥിതി സംരക്ഷണത്തിന്റെയും ആരോഗ്യ പരിപാലനത്തിന്റെയും സന്ദേശം പ്രചരിപ്പിച്ചാണ് സംഘം യാത്ര പൂര്‍ത്തിയാക്കിയത്. പ്രിന്‍സിപ്പല്‍ ഡോ സിബി ജയിംസ്, വൈസ് പ്രിന്‍സിപ്പല്‍ റവ ഡോ.സാല്‍വിന്‍ കാപ്പിലി പറമ്പില്‍ എന്നിവരുടെ നേതൃത്വത്തിലാണ് സൈക്കിള്‍ പ്രയാണം പൂര്‍ത്തികരിച്ചത്. അധ്യാപകരായ മഞ്‌ജേഷ് മാത്യു, ജിബിന്‍ രാജ ജോര്‍ജ്, ജിനു മാത്യു, റോബേഴ്‌സ് തോമസ്, ആന്റോ മാത്യു, ജോബിന്‍ ജോബ് , അനീഷ് സിറിയക്, ശില്‍പ മാത്യു എന്നിവരുടെ നേത്യത്തില്‍ പെണ്‍കുട്ടികളടക്കം 21 പേര്‍ സൈക്കിള്‍ പ്രയാണത്തില്‍ പങ്കെടുത്തു. കോളേജ് മാനേജര്‍ മോണ്‍. ജോസഫ് തടത്തില്‍ ബര്‍സാര്‍ ഫാദര്‍ മാത്യു അലപ്പാട്ടു മേടയില്‍ എന്നിവരുടെ നേതൃത്വത്തില്‍ അധ്യാപകരും വിദ്യാര്‍ത്ഥികളും ചേര്‍ന്നാണ് സൈക്കിള്‍ യാത്രാ സംഘത്തെ സ്വീകരിച്ചത്.
.webp)
0 Comments