കോട്ടയത്ത് വേനല്‍ചൂട് വര്‍ധിക്കുന്നു

കോട്ടയത്ത് വേനല്‍ചൂട് വര്‍ധിക്കുന്നു. ജനുവരിയുടെ അവസാന ദിവസങ്ങളില്‍ പതിവിലും മൂന്നു ഡിഗ്രി വരെ താപനില ഉയര്‍ന്നു ജനുവരി 24 ന് രാജ്യത്തെ ഏറ്റവും കൂടുതല്‍ ചൂട് രേഖ്യപ്പെടുത്തിയ രണ്ടാമത്തെ പ്രദേശമായിരുന്നു കോട്ടയം. 36.5 ഡിഗ്രി സെല്‍ഷ്യസ് ആയിരുന്നു ജനുവരി 24 ലെ  താപനില. 

.

. മുന്‍പ് ഫെബ്രുവരി ആദ്യവാര്യത്തില്‍ അനുഭവപ്പെടുന്ന ചൂടാണ് നേരത്തെ അനുഭവപ്പെട്ടത്. വേനല്‍ ശക്തമാകുന്നതോടെ താപനില ഇനിയും ഉയരുമെന്നത് ആശങ്കയിടയാക്കുകയാണ്.  രണ്ടാഴ്ച മുമ്പ് മഴ പെയ്തതിന് പിന്നാലെയാണ്  ചൂട് ഉയരാന്‍ തുടങ്ങിയത്. വേനല്‍ചൂട് ഉയരുന്നതോടെ ജലക്ഷാമവും രോഗങ്ങള്‍ പടരാനുള്ള സാധ്യതയും തീപിടുത്തത്തിനുള്ള സാധ്യതയുമേറുകയാണ്.  തലവേദന, ചര്‍മ്മത്തിലെ ചുവപ്പ്, ചൂടുകുരു  തുടങ്ങി സൂര്യാഘാതം, മഞ്ഞപ്പിത്തം എന്നിങ്ങനെ തീവ്രത കൂടിയ അസുഖങ്ങളും വേനല്‍ക്കാലത്ത് പടരാന്‍ സാധ്യതയുണ്ട്. വേനല്‍ചൂടില്‍ റോഡുകളിലെ ട്രാഫിക് നിയന്ത്രണവും ദുഷ്‌കരമാവുകയാണ്.  ഉയര്‍ന്ന ചൂടിനെ പ്രതിരോധിക്കാന്‍  പൊതുജനങ്ങള്‍ക്കായി സംസ്ഥാന ദുരന്തനിവാരണ അതോറിറ്റി ജാഗ്രത നിര്‍ദേശങ്ങള്‍ പുറപ്പെടുവിച്ചിട്ടുണ്ട്.